Аввалроқ Наманганда Gentra ҳайдовчиси йўлни кесиб ўтаётган пиёдани уриб юборгани ҳақида хабар берилганди. Вилоят ИИБнинг хабарига кўра, автомашина ҳайдовчиси ушланди.
Маълум қилинишича, олиб борилган тезкор қидирув ишлари натижасида ушбу автомашина ҳамда унинг ҳайдовчиси топилди.
Ушбу ЙТҲни содир этган шахс Наманган шаҳрида яшовчи 1997 йилда туғилган фуқаро экани аниқланган.
Ҳолат юзасидан қонуний чора кўриш учун ҳайдовчи ва автомашина тергов бўлимига топширилган.
ЙТҲ 11 февраль куни соат 06:40 ларда содир бўлган. Номаълум шахс ўзининг бошқарувида бўлган Gentraъда Наманган шаҳар, А.Темур кўчасида ҳаракатланиб, йўлни кесиб ўтаётган пиёда — Наманган шаҳрида яшовчи, 1958 йилда туғилган фуқарони уриб юбориб, ҳодиса жойидан яширинган.
Натижада пиёда олган тан жароҳати сабабли воқеа жойида вафот этган. Ҳолат юзасидан жиноят иши қўзғатилган.
Изоҳ (0)