Тошкент шаҳрининг Чилонзор тумани, Муқимий кўчаси 166-уй қаршисида 11 декабрь куни ЙТҲ содир бўлди. Бу ҳақда пойтахт ИИББ ЙҲХБ ахборот хизмати хабар берди.
Ҳайдовчилар 2003 йилда туғилган Б. бошқарувидаги BMW, 1999 йилда туғилган Р.О. бошқарувидаги BYD ҳамда 1996 йилда туғилган Ж.А. бошқарувидаги Lacetti автомашиналари ўзаро тўқнашган.
Ҳодиса оқибатида Lacetti автомашинаси ҳайдовчисига тез ёрдам ходимлари томонидан биринчи тез тиббий ёрдам кўрсатилган.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
Шунингдек, 12 декабрь куни соат 02:18 ларда, Андижон шаҳар Майдон кўчасида ЙТҲ содир бўлди. Бу ҳақда Андижон вилояти ИИБ ЖХХ ЙҲХБ ахборот хизмати хабар берди.
Фото: Андижон вилояти ИИБ ЖХХ ЙҲХБ ахборот хизмати
Ҳодиса оқибатида ҳеч кимга тан жароҳати етказилмаган, машина техник шикастланган.
Тошкентда содир бўлаётган ЙТҲлар
5 декабрь куни Тошкент шаҳрининг Мирзо Улуғбек ва Юнусобод туманларида 1,5 соат ичида ЙТҲлар содир бўлгани ҳақида хабар берилганди. Шунингдек, 6 декабрь куни Юнусобод ва Яшнобод туманларида ЙТҲлар содир бўлганди.
3 ноябрь тунда пойтахтнинг учта туманида ЙТҲ содир бўлди. Сергелида Spark ва Matiz тўқнашди, Юнусободда Lacetti йўл четидаги бетон устунга бориб урилди, Мирзо Улуғбек туманида Lacetti ва BMW тўқнашди.
11 ноябрь куни Миробод туманидаги “Санъат музейи” қаршисида Lacetti Кинг Лонг автобуси орқасига бориб урилди. 16 ноябрда Яккасарой тумани Malibu йўл четидаги темир устунга урилди ва ҳайдовчиси ва йўловчиси жароҳат олди.
17 ноябрь куни Юнусобод туманида Toyota, Malibu-2 ва Cobalt автомашиналари иштирокида ЙТҲ содир бўлди. 24 ноябрь куни Мирзо Улуғбек туманида Spark ва Epica тўқнашиб, ёниб кетди. Ҳодиса оқибатида ҳалок бўлганлар йўқ.
Мирзо Улуғбек туманида 28 ноябрь куни соат 16:10 ларда 5 та автомашина иштирокида ЙТҲ содир бўлди.
Изоҳ (0)