Андижон вилоятининг Шаҳрихон тумани, “Янги Найнаво” МФЙ ҳудудида жойлашган пропан заправкада 20 февраль куни соат 18:02 да ҳаво-газ аралашмасининг чақнаши содир бўлди. Соат 18:13 да воқеа жойига ёнғин қутқарув экипажлари етиб борган.
Ҳодиса оқибатида ёнғин келиб чиқмаган. Ҳодиса оқибатида заправка ҳудудида бўлган 2 нафар фуқаро тан жароҳати олган.
Ҳозирда фуқароларга малакали тез тиббий ёрдам кўрсатиш мақсадида шифохонага ётқизилган.
Ҳодиса содир бўлиш омиллари ва моддий зарар миқдори аниқланмоқда.
Октябрь ойида Қарши туманидаги автомобилларга суюлтирилган газ қуйиш шохобчасида ёнғин содир бўлганди.
Изоҳ (0)