Тошкент вилояти Янгийўл туманида ҳаракатланиб кетаётган юк машинасида ёнғин чиқди, дея хабар бермоқда ЙҲХББ матбуот хизмати.
Дастлабки маълумотларга кўра, 2021 йилнинг 26 май куни соат 12:50 ларда Тошкент вилояти Янгийўл тумани «Нуробод» МФЙ ҳудудидан ўтган М-39 автомобиль йўлининг 830-километрида фуқаро С.Т. бошқарувидаги «КамАЗ» русумли юк автомобилида ёнғин юзага келган.
Ёнғин ФВБ ходимлари томонидан бартараф этилган. Ёнғин оқибатида тан жароҳати олган фуқаролар йўқ. Транспорт воситасига зарар етган.
Мазкур ҳодиса юзасидан Янгийўл тумани ИИБ ЙҲХБ ва ФВБ ходимлари томонидан суриштирув ҳаракатлари олиб борилиб, ёнғин юзага келиш сабабларига аниқлик киритилмоқда.
Бундан аввал Қўқон шаҳридаги «заправка»да портлаш ва ёнғин содир бўлгани, Оҳангаронда бир-бири билан тўқнашган «КамАЗ» ва Lacetti тўлиқ ёниб кетгани ҳамда Тошкентда Howo юк машинаси ағдарилиб, ёниб кетгани ҳақида хабар берилганди.
Изоҳ (0)