Ижтимоий тармоқларда автомобилларнинг газ баллони учун бериладиган рухсатномада F1 билан бошланувчи рақамлар бўлса, у яроқсиз деб топилиши ва бу тўғрида қарор қабул қилингани ҳақида хабар тарқалди. Унда айтилишича, ушбу қоида тез кунларда кучга киради.
Хабарда Тошкент вилоятининг Зангиота туманида жойлашган метан «заправка»да автомобилларда муддати ўтган газ баллон билан ҳаракатланаётган ҳайдовчиларга нисбатан рейд тадбирлари ўтказилаётгани қўшимча қилинади. Алоҳида таъкидланишича, фойдаланишга яроқсиз деб топилган газ баллонлар, яъни F1 билан бошланувчи газ баллони мавжуд автомобиллар жарима майдонига тортилади.
Юқорида келтирилган хабарга аниқлик киритиш мақсадида «Дарё» мухбири Тошкент вилояти ИИБ ахборот хизмати билан боғланди. Маълум қилинишича, ижтимоий тармоқларда тарқалган мазкур хабар ёлғон.
«Зангиота туманида жойлашган метан «заправка»ларда автомобиль газ баллонларини яроқлилик муддатини текшириш бўйича ҳеч қандай тадбир ўтказилмаган» – дейди вилоят ИИБ масъул ходими.
Мавзуга доир:
- Автомобильларга газ баллон ўрнатиш нархларини икки баробар ортиб кетиши, юкхонадаги «бомба» — мутахассис билан суҳбат
- Бухорода хизмат автомобилига ноқонуний газ баллон ўрнатган мансабдорлар жавобгарликка тортилди
- Фарғонада газ баллон ташувчи автомашинада ёнғин содир бўлди (видео)
- Самарқандда газ идорасидаги кондиционердан чиққан суюқлик уч кишининг куйишига сабаб бўлди
- Олий Мажлис Сенати газ баллонлари ўрнатилган транспортларнинг хавфсизлиги бўйича ҳукуматга сўров юборади
Изоҳ (0)