Навоий вилоятининг Учқудуқ туманидаги метан заправкада Damas ёниб кетди. Ҳолат акс этган видео ижтимоий тармоқларда тарқалди.
«Севимли» телеканалининг «Замон» информацион дастурида маълум қилинишича, воқеа 16 декабрь куни соат 19:25 ларда Учқудуқ туманидаги метан заправкаларнинг бирида юз берган. Туман электр тармоқлари корхонасига тегишли Damas газ тўлдириб, чиқиб кетаётганида автомобилда тўсатдан ёнғин чиққан.
Дастлабки ўрганишларга кўра, ёнғин машина техник носозлиги оқибатида қисқа туташув юз бергани сабабли содир бўлган. Ёнғин ўт ўчирувчилар ва заправка ходимлари ёрдамида бартараф этилган.
Ҳодиса оқибатида ҳеч ким жабрланмаган, газ заправкага ҳам зарар етмаган.
Мавзуга доир:
Изоҳ (0)