Ижтимоий тармоқларда иккита баклажкага солинган суюқликнинг ҳаво компрессори таъсири остида биқирлаб қайнаётгани ва улардан чиқаётган газ ёнаётгани акс этган видео тарқалди. Видео муаллифи идишлардан бирида оддий сув, иккинчисида эса бензин борлигини, иккала идишдаги суюқликдан чиқаётган газ ёнаётганини айтган.
Фавқулодда вазиятлар вазирлиги матбуот хизмати мазкур видеога изоҳ берди ва бу иш хавфли эканлиги ҳақида огоҳлантирди.
Ушбу видео ижтимоий тармоқларда кенг тарқалди. Унинг муаллифи бу ихтирони уйни иситиш мақсадида тавсия этади. Фавқулодда вазиятлар вазирлиги фуқароларимиздан ушбу тажрибани асло амалда қўлламасликларини сўраб қолади. «Бу ҳаёт ва соғлик учун жуда хавфлидир. Бунинг оқибатида турли кўнгилсиз ҳолатлар, хусусан, ёнғин ва ҳатто портлаш каби вазиятлар юзага келиши мумкин», — деди вазирлик матбуот хизмати раҳбари Мурод Содиқов.
Изоҳ (0)