Қорақалпоғистон Республикаси Беруний туманидаги ёқилғи қуйиш шохобчасида ёнғин содир бўлди. Бу ҳақда ФВВ матбуот хизмати хабар берди.
Таъкидланишича, 2 июнь куни тахминан соат 11:37 да Қорақалпоғистон Республикаси Беруний тумани Беруний кўчасида жойлашган «Икром Азиз» МЧЖга қарашли универсал («пропан—метан—солярка») ёқилғи қуйиш шохобчасида ёнғин юзага келган.
Дастлабки маълумотларга кўра, ёнғин натижасида ер устида жойлашган 25 тонналик 2 та сиғим ва 2 та «ЗИЛ-130» ёқилғи ташиш автомашинаси ёнган. Бундан ташқари, ушбу сиғимлар ёнида 10 тонналик 3 та бўш, тахминан, 30-50 тонналик 2 та сиғим жойлашган.
Мазкур ҳолат юзасидан воқеа жойига Қорақалпоғистон Республикаси Фавқулодда вазиятлар бошқармасининг 6 та ёнғин-қутқарув гуруҳи етиб борган. Ҳозирча келиб чиққан ёнғиннинг сабаби ёқилғини қуйишда ёнғин хавфсизлик қоидаларига риоя этмаслик деб тахмин қилинмоқда.
Жабрланган ва ҳалок бўлган фуқаролар тўғрисида хабар келиб тушмаган.
Мавзуга доир: Андижондаги газ «заправка»да Nexia портлади (видео)
Изоҳ (0)