Фарғона вилояти Учкўприк тумани ёнғин-қутқарув қисмига 7 сентябрь, шанба куни соат 18:38 да «Яккамулла» МФЙда жойлашган Silk Road Gas Service МЧЖга қарашли автомобилларга газ тўлдириш компрессор шохобчасида автомобиль ёнаётганлиги ҳақида хабар келиб тушган.
Давлат ёнғин хавфсизлиги хизматининг хабар беришича, 2 та ёнғин ўчириш бўлинмаси чақирилган манзилга соат 18:48 да етиб борган ва соат 18:53 да ёнғин ўчирилган.
Ҳодиса оқибатида Kia Forte русумли автомобиль тўлиқ ёниб зарарланган. Тан жароҳати олганлар ва ҳалок бўлганлар йўқ.
Ёнғинга автомобилга сиқилган газни тўлдиргандан сўнг газ шланги узилмасдан автомобилнинг ҳаракатланиб кетиши сабаб бўлган деб тахмин қилинмоқда.