Бугун, 20 ноябрь куни соат тахминан 03:30 ларда Самарқанд вилояти Нуробод тумани жойлашган автомашиналар тураргоҳида суюлтирилган газ ташишга мўлжалланган MAN юк машинаси ёниб кетди. Бу ҳақда ИИВ ҳузуридаги Тергов департаменти хабар берди.
«Самарқанд—Ғузор» А-378 автомобиль йўлининг 33-километрида жойлашган «Тимур ГАЗ» МЧЖга тегишли автомашиналар тураргоҳида ҳаракатсиз турган суюлтирилган газ ташишга мўлжанланган MAN русумли юк атомашинасида номаълум сабаларга кўра ёнғин юзага келган. Олов юкхонага ўтиб автомашинадаги суюлтирилган газ портлаши оқибатида ушбу автотураргоҳда турган суюлтирилган газ ташиш учун мўлжанланган 2 та MAN ва 1 та «ЗИЛ» русумли автомашиналар ҳамда «ДАФ» ва «ЗИЛ» русумли юк автомашиналари, шунингдек Hyundai русумли экскаватор ёниб кетган.
Ҳодиса содир бўлган жойга тергов-тезкор гуруҳи, ФВВ ходимлари ва тез тиббий ёрдам автомашиналари жалб қилинган.
Дастлабки маълмотларга кўра, ҳайдовчиларнинг бир нафари тан жароҳати олиб шифохонага мурожаат этган.Ҳозирда ёнғин келиб чиқиш сабаби аниқланмоқда.
Изоҳ (0)