Фақат Rolls-Royce эмас: Уитни Ҳьюстон қандай машиналарни ҳайдаган?

Маълум бўлишича, Уитни Ҳьюстон ўзидан кейин қарийб 20 миллион доллар қарз қолдириб кетган, бироқ машҳурлик чўққисида юлдузнинг бойлиги 40 миллион долларга баҳоланган. Жоржиядаги ҳашаматли уй нархини чегириб ташлагандан кейин ҳам анчагина пул қолган эди, уларнинг бир қисми бир нечта машина сотиб олишга кетган.

Rolls-Royce Silver Spur Mark 1

Уитни Ҳьюстон 1986 йилда ишлаб чиқарилган лимузинни хонанданинг альбомларини нашр этувчи Nippy, Inc. компанияси орқали сотиб олган ва бу моделдан узоқ вақт фойдаланган. 1980—1988 йилларда ишлаб чиқарилган Rolls-Royce Silver Spur Mark 1 Rolls-Royce Silver Spirit’нинг кенгайтирилган версияси эди.

Silver Spirit/Spur моделлари капотдаги Экстаз руҳи ҳайкали йиғиладиган биринчи Rolls-Royce автомобиллари сифатида тарихга кирди. 1986 йилда АҚШда Silver Spur’нинг бошланғич нархи 186 000 долларни ташкил этган. Уитни Ҳьюстонга тегишли нусха салоннинг олдинги ва орқа қисмлари ўртасидаги шаффоф тўсиқдан ташқари, телевизор, видеомагнитофон ҳамда биллур қадаҳли бар билан жиҳозланган эди. Ҳозирда поп-мусиқа юлдузи Уитни Ҳьюстоннинг Rolls-Royce Silver Spur Mark 1 автомобили Пенсилвания штатининг Ҳерши шаҳридаги Америка автомобиллари тарихига бағишланган ААСА музейи коллекциясида сақланмоқда.

1991 йилги оқ Porsche 911 (964) Carrera Convertible

Ушбу модел 1990—1993 йиллар давомида ишлаб чиқарилган бўлиб, 250 от кучига эга бўлган 3,6 литрли 6 цилиндрли оппозит двигатель билан жиҳозланган.
Маълум бўлишича, 2004 йилда қўшиқчи Алфаретта шаҳрида автобуснинг орқа қисмини уриб кетган. Тезлик катта бўлмаган, шунинг учун кабриолетнинг фақат олдинги бампери алмаштирилган. Бундан ташқари, Уитни автобус компаниясига етказилган зарар учун товон тўлаган. 2024 йил августида қўшиқчининг Porsche’си аукционда атиги 42,000 долларга сотилган.

Уитни Ҳьюстоннинг бошқа шахсий автомобиллари ҳақида жуда кам нарса маълум. Миш-мишларга кўра, қўшиқчи Honda Civic’ни яхши кўрган. Шунингдек, қўшиқчининг гаражида қуйидаги автомобиллар бўлган:

• Бир нечта Mercedes-Benz SL500. Бу R129 ва R230 серияли моделларга тегишли бўлиб, улар 5 литрли V8 двигатель ва 300 от кучидан ортиқ қувватга эга эди.
• Mercedes-Benz S600. Ҳашаматли шваб седани бўлиб, АҚШда одатда статус рамзи сифатида фойдаланилган.
• BMW 7 серияси. Агар “олти юз” бир оз расмий туюлса, Уитни бу автомобилни кўпроқ эркин, аммо шунга қарамай нуфузли альтернативага айлантириши мумкинлигини биларди.
• Lamborghini Diablo. Уитни Ҳьюстон механик узатмалар қутисини бошқа оларди, чунки бу В12 билан Италия суперкарида ишлатилган ягона трансмиссия тури эди.
• Cadillac Escalade. Уитни бу куч ва қудратнинг рамзи бўлган автомобилни ҳам ёқтирарди.
• Range Rover. Ушбу “британиялик” ҳашамати билан Атлантиканинг икки томонида ҳам қадрланади.

Она-боланинг фожиали вафоти: нима учун Уитни Ҳьюстоннинг севимли қизи онасининг аянчли тақдирини такрорлади?

Кўриб турганимиздек, Уитни Ҳьюстон асосан Европа автомобилларини афзал кўрган, аммо унинг қўшиқлари бутун дунёни забт этди. Гиннеснинг рекордлар китобига кўра, 2009 йилга келиб Хюстон энг кўп мукофотланган аёл санъаткор бўлган ва Rolling Stone журнали хонандани 100 та энг зўр ижрочилар рўйхатига киритган.