МакSим, Уитни Хьюстон ва овозидан айрилган бошқа хонандалар

Овоз – хонандаларнинг асосий қуроли. Шунинг учун уни йўқотиш ҳар қандай ижрочининг энг катта қўрқувларидан биридир. Афсуски, баъзида стресс, касаллик ёки бошқа сабабларга кўра бу каби ҳодиса содир бўлади. Wday.ru нашри ана шундай  овозини йўқотган машҳур қўшиқчиларнинг бир нечтасини тақдим этди.

МакSим

Қўшиқчи икки ойдан кўпроқ вақт давомида сунъий нафас олиш аппаратига уланган ва тиббий комада бўлган. Ҳозирда хонанда тузалиш жараёнида. У касалликдан тўлиқ қутулиш учун кўп ҳаракат қилиши керак бўлади. Доктор, тиббиёт фанлари номзоди Андрей Андриевский МакSимнинг соғлиғи ҳақида фикр билдирди. Унга кўра, Марина ҳеч қачон қўшиқ айтолмайди. Коронавирус инфекцияси туфайли алвеолаларда, газ алмашинуви тўғридан-тўғри содир бўладиган ўпка тўқимасида жараён бузилган. Бундай ҳолатда одам қўшиқ айтолмайди ва оғир жисмоний машғулотларга дош беролмайди. Хонанданинг саломатлиги тикланиши учун узоқ ойлар керак бўлади.

Адель

2011 йилда Адель пайлар билан боғлиқ муаммолар туфайли овозини йўқотган, шунинг учун тақдим этилиши кутилаётган концертларини бекор қилди. Хонанда саҳнага чиқиш пайтида овозини йўқотган, концерт унинг овоз пайидан қон кетиши туфайли тўхтатилган. Юлдуз операция қилингандан сўнг овози қайта тикланган. Шунингдек, шифокорлар хонандани овоз пайини зўриқтиришни тўхтатмаса, у овозини бутунлай йўқотиши мумкинлиги ҳақида огоҳлантирган.

Селин Дион

2012 йилда Селин Дион деярли овозсиз қолди. Гап шундаки, ўша пайтда машҳур хонанда вирусли касалликка чалинган эди, шунинг учун унинг пайлари шу қадар заифлашганки, қўшиқчи нафақат қўшиқ айтиш, балки гапира олмай қолган. «Бир куни эрталаб мен қўшиқ айтмоқчи бўлдим, – дейди афсонавий хонанда кейинчалик интервьюсида, – лекин овозим менга бўйсунмаётганини тушундим».

Кристина Агилера

Бир неча йил олдин машҳур хонанда пайлари зарарлангани учун овозини йўқотган. Кейинчалик юлдуз барча концертларини бекор қилишга мажбур бўлди. Қўшиқчи соғайиб кетган бўлса-да, аввалги овозини қайтара олмади.

Уитни Хьюстон

2000 йилда хонанда саҳнада овозидан айрилди. Шифокорлар дарҳол сабабини аниқлади: сурункали асабий стресс ва гиёҳвандлик.

Алла Пугачёва

Россия юлдузи овозини буткул йўқотмади, лекин унинг чекишга қарамлиги туфайли овози жуда ўзгариб кетди. Мухлисларнинг фикрича, агар хонанда соғлом турмуш тарзини олиб борганида, оҳангдор овози билан узоқроқ яшар эди.