«Тансоқчи» фильми суратга олинганига 30 йил бўлди. Уни ҳалигача минглаб инсонлар завқ билан томоша қилмоқда ва фильмнинг саундтреклари ХХ асрнинг энг кўп сотилган 50 альбоми рўйхатига киритилган. Бироқ камдан кам одам аслида суратга олиш майдончасида нима бўлганини билади.
«Тансоқчи» фильмининг сценарийси ўтган аср 70 йилларнинг бошларида, томошабин картинани кўришдан йигирма йил олдин ёзилган. Бу машҳур асар муаллифи Лоуренс Кезданнинг биринчи сценарийси эди, у кейинчалик «Юлдузлар жанги» ва «Индиана Жонс»нинг бир нечта эпизодларини ёзган. «Тансоқчи»нинг қаҳрамонлари актёр Стив МакКуин ва қўшиқчи Даяна Росс бўлиши керак эди, лекин кейин томошабин қаҳрамонларнинг «миллатлараро» романтикасини қабул қилмайди деган қўрқув туфайли лойиҳа тўхтатилган.
1979 йилда Райан ЎНилга «Тансоқчи» ролини таклиф қилишди, лекин Даяна Росс билан бўлган кескинлик туфайли у ҳам фильмни рад этади. Кейин лойиҳа деярли унутилади, бир кун келиб Кевин Костнер унга қизиқиб қолади. У фильмнинг ҳаммуаллифи бўлишни ва унда бош ролни ўйнашни хоҳларди.
Мадонна ва Жанет Жексон Рейчел ролига ариза берган
Хонанда Рейчел Маррон роли учун улар узоқ вақт давомида муносиб актриса топа олмайди. Костнер ролни Уитни Хьюстонга беришни талаб қилади, лекин хонанданинг ўзи узоқ вақт суратга тушишга рози бўлмайди. Биринчидан, у кинода ишлаш тажрибасига эга эмасди, шунинг учун охирида бир нечта саҳналарни кесиб ташлашга тўғри келади. Иккинчидан, у ўз феъл-атворини жуда инжиқ деб ҳисоблаган. Кевин Костнер Уитнининг суратга тушишга розилигини икки йил кутишига тўғри келади ва қўшиқчига фильмни суратга олишда унга ҳар томонлама ёрдам беришга ваъда беради. «Мен сенга ваъда бераман, йиқилишингга йўл қўймайман. Мен сенга ёрдам бераман. Ва у ёрдам берди », – дейди кейинчалик Хьюстон.
Элвис Пресли «I will always love you» қўшиғини ижро этишни орзу қилган
Уитни Хьюстон бутун дунёга машҳур бўлган «I wилл алwайс ёу» машҳур қўшиғи фильм чиқишидан анча олдин Долли Партон томонидан басталанган. 1974 йилда Элвис Пресли қўшиққа бўлган ҳуқуқларни олишга ҳаракат қилади, лекин Долли хонанда уни «вайрон қилади» деб ўйлаб, рози бўлмайди.
«Тансоқчи» чиққандан сўнг «I will always love you» қўшиғи Америкадаги тўйларда энг машҳур қўшиққа айланади, Англияда дафн маросимларида ҳам тез-тез фойдаланилади. Қўшиқ муаллифи Долли Партон гонорардан 6 миллион долларга яқин даромад олади.
Албатта, Уитни Хьюстон томонидан ижро этилган хитнинг соул-версияси ўзига хос бўлиб туйилади, лекин композицияни танлаш ва картинанинг якуний финалида янграши – Кевин Костнернинг хизматидир.
«Чўқинтирган ота» Рейчелнинг уйида суратга олинган
Бош қаҳрамон сценарий бўйича яшаган ҳашаматли саройда бир вақтлар «Чўқинтирган ота» фильмининг саҳналари тасвирга олинган. Ҳашаматли уйда 28 та ётоқхона, 38 та ҳаммом, икки қаватли кутубхона ва гўзал боғ мавжуд.
Уитни кўп ишлаши туфайли боласини йўқотади
Фильм устида ишлаш қизғин кетаётганида, суратга олишни бир неча ҳафтага тўхтатиб қўйишга тўғри келган. Яқинда Бобби Браун билан унаштирилган Уитнининг фильмга суратга тушиш чоғида ҳомиласи нобуд бўлади. «Бу ҳам жисмонан, ҳам руҳан оғриқли эди, – дейди у кейинчалик. – Лекин эртаси куниёқ саҳнага қайтдим». Фильмни суратга олиш тугагач, Хьюстон ва Браун турмуш қуради ва бир мунча вақт ўтгач, хонанда Бобби Кристина Браун исмли қизни дунёга келтиради.
Танқидчилар бу фильмни кино тарихидаги энг ёмон фильм деб атайди
Премьерадан сўнг танқидчилар фильмни танқид қилиб, «Тансоқчи»ни кино тарихидаги энг омадсиз деб атайди. Хьюстон ҳам, Костнер ҳам «Олтин малина» номинациясига номзод бўлади, қўшиқчи охир-оқибат энг ёмон актриса деб топилади. Аммо томошабинлар танқидчиларнинг фикрларига аҳамият бермайди ва фильм биринчи рақамли хитга айланади. 25 миллион долларлик камтарона бюджетга эга бўлган картинанинг даромади АҚШда 120 миллиондан зиёд, дунё бўйлаб эса 400 миллиондан ошади.
10 йил олдин, 2012 йил 11 февралда афсонавий қўшиқчи кокаин дозасини ошириб юбориши оқибатида вафот этади. У Беверли Хилтон меҳмонхонасининг ҳаммомида ҳушидан кетиб, чўкиб кетган. Маъмурият қарори билан фожиа содир бўлган хона ҳозирда ижарага берилмайди.
Хонанданинг дафн маросимида Кевин Костнер «Тансоқчи»даги роли ҳақида нутқ сўзлайди: «Картина айнан унинг учун аталгандек эди. Унинг ролини ўйнай оладиган актрисалар кўп эди, аммо мен Уитнига ишондим, у Рейчел Марронни ўйнаган ягона одам».
Уитни Хьюстон вафотидан тўрт йил ўтгач, унинг ягона қизи Бобби Кристина ҳам олти ойлик комадан кейин вафот этади. У гиёҳванд воситалар ва спиртли ичимликдан ваннада чўкиб ўлади.
Малика Диана «Тансоқчи 2» фильмида бош ролни ўйнашни орзу қилган
2012 йилда Кевин Костнер журналистларга малика Диана «Тансоқчи» фильмининг давомида ўйнашни хоҳлаганини айтади. Костнернинг сўзларига кўра, унинг қаҳрамони, соқчи бўлган собиқ махфий агенти, маликани хатарли мухлислардан ва ҳатто тажовузкор папараццилардан ҳимоя қилиши керак эди. Натижада худди биринчи фильмдагидек, улар ўртасида севги ҳикояси пайдо бўлади. Костнер Дианага Уитни каби унга ғамхўрлик қилишини ваъда қилади. Малика автоҳалокатда вафот этишидан бир кун олдин Кевин Костнер сценарийнинг қоралама нусхасини олади.
Мавзуга доир:
Изоҳ (0)