Актёрлар фильм устида ойлар, ҳатто йиллар давомида ишлайди. Шу сабабли уларнинг баъзилари ҳамкасбларига нисбатан ҳис-туйғуларни бошдан кечириши ажабланарли эмас.
Клер Дейнс Леонардо Ди Каприони севиб қолган
«Ромео + Жулиетта» фильмида Жулиеттанинг энагаси ролини ижро этган актриса Мириам Маргулиснинг сўзларига кўра, Клернинг Леога бўлган жавобсиз муҳаббатига гувоҳ бўлиш унинг учун жудаям оғриқли бўлган. Чунки Лео унинг ҳис-туйғуларига нафақат жавоб қайтармайди, балки қиздан юз ўгиради ҳам.
«Ҳамма Жулиетта ўз Ромеосини қанчалик севишини кўриб турарди, лекин бу жавобсиз муҳаббат эди. Клер шунчаки Леонинг кўнглидагидек қиз эмасди. Шунинг учун у қизга эътибор қилишни хаёлига ҳам келтирмасди», — дейди Мириам.
Кевин Костнер Уитни Хьюстонга парвона бўлган
Нафақат «Тансоқчи» фильмидаги Кевин Костнернинг қаҳрамони, балки унинг ўзи ҳам таниқли қўшиқчини севиб қолади. Унинг сўзларига кўра, Уитнининг олдига бирорта ҳам эркакни йўлатмайди. Суратга олиш ишлари тугагандан сўнг ҳам актёр севгилисига хат ёзиб турган.
Хьюстон вафот этганида Костнер: «У менинг ягона ва чин муҳаббатим эди», — деб барчага маълум қилган. Муносабатлар ошкор этилгандан сўнг, фильм бош қаҳрамонлари ўртасидаги севги нега бунчалик ишонарли бўлгани ойдинлашди.
Элизабет Перкинс Том Хенкснинг ишқида ғам чеккан
Яқинда Элизабет «Катта» фильмини суратга олиш жараёнида Том Хенкс туфайли азоб чекканини тан олди. Элизабетда актёрга нисбатан ҳис-туйғулари уйғонганди, лекин Том Хенкс бошқа аёл билан муносабатда бўлган.
«Ўша пайтда Том Рита Уилсон билан учрашиб юрарди. Улар ҳали оила қурмаганди, лекин шу нарса ҳам мени тўхтатиб қоларди. Гарчи у жуда келишган бўлса ҳам», — дейди Элизабет.
Элизабет Бенкс Вуди Харрельсонни севиб қолган
«Ҳаёт-мамот ўйинлари» фильмига бағишланган интервьюда Элизабетдан Вуди Харрельсон билан ишлаш қандай эканини сўрашади. У: «Ҳа, бу тушдек ўтди-кетди», — деб жавоб беради.
Бенкс, шунингдек, ўша пайтда ҳамкасбини севиб қолганини ҳам қўшимча қилади. Актрисанинг фильмдаги қаҳрамони ҳам Харрельсон ишқида яширинча ёнган. «Аммо Вудининг ўзи Элизабетга қандай муносабатда, буни билмайман», — дея қўшимча қилади актриса.
Киану Ривз Сандра Буллокни мафтун этган
Сандранинг айтишича, «Тезлик» фильмини суратга олиш пайтида у тез-тез аҳмоқона вазиятларга тушиб қолган — ҳаммаси Kиaнуни севиб қолгани туфайли. Ривзнинг ёнида у диққатини жамлай олмай, бўлар-бўлмасга кулаверган. Шунга қарамай актриса унинг севгисига умид қилмаган: «Унга ёқмайдиган нимадир бор менда деб ўйлаганман», — дейди у.
Аммо Сандра адашганди, чунки Ривздан актрисанинг бу сўзларига изоҳ сўрашганда, у шундай дейди: «Очиғи, у мен ҳам унга бефарқ эмаслигимни билмасди».
Хелен Миррен Вин Дизельни «бир оз севиб қолади»
«Форсаж» фильмнинг 9-қисмини суратга олишдан бироз олдин Хелен машҳур телекўрсатувга таклиф қилинади. У ерда актриса бир вақтлар Вин Дизельга бўлган ҳис-туйғуларини тан олади.
«Бир марта Виннинг қандайдир маросимда нутқ сўзлаётганини кўрганман. У шу қадар ақлли, ажойиб ва шу қадар келишган кўринганки, ўша лаҳзада уни бир оз севиб қолганман», — дейди актриса ҳазил аралаш.
Мэтю Перри Женнифер Энистонга бўлган ҳис-туйғулари туфайли азоб чеккан
Мэтю Женниферни афсонавий ситком суратга олинишидан анча олдин севиб қолган. У актрисани учрашувга таклиф қилади, аммо рад жавобини олади.
Ажабланарлиси шундаки, улар дўст бўлиб қолишади. Лекин фақат сериалда. Актёр ҳамкасби билан гаплашаётганда ўзини ноқулай ҳис қиларди. Ахир Женнифер унга заррача ҳам қизиқиш билдирмаган. Аммо вақт ўтиши билан фильм Мэтюни шунчалик қизиқтириб қўйдики, Женниферга бўлган муҳаббати иккинчи планга ўтди.
Брайс Даллас Ховард Роберт Паттинсонни ёқтириб қолган
«Сумерки» фильмида суратга тушиш Брайс ҳаётида унутилмас воқеа бўлди, чунки у Роберт Паттинсон билан ёнма-ён ишлашга муваффақ бўлади.
Брайс актёрга бўлган ишқи деярли телба бўлиш даражасига етганини тан олади. У Робга шунчалик ошиқ бўлганки, актёрнинг юзи туширилган стикерлар тўпламидан фаол фойдаланади. Бундай стикерларни унинг аҳволидан хабардор бўлган дўсти тайёрлаб беради.
Мавзуга доир:
- «Маликанинг кундалиги», «Форсаж», «Жокер» — давоми экранларга чиқиши кутилаётган севимли фильмлар
- Йиғламасдан кўролмайсиз: Одамлар ва жониворлар дўстлиги ҳақидаги энг ажойиб фильмлар
- Биз кўрмаган саҳналар: турли сабабларга кўра машҳур фильм ва сериалларнинг кесиб ташланган кадрлари (фото)
- Бир-бирига мутлақо қарама-қарши ролларни ўйнаб, томошабинларни ишонтира олган актёр ва актрисалар (фото)
Изоҳ (0)