Машҳурлар ўз ҳаётларининг тафсилотларини бажонидил баҳам кўришларига қарамай, баъзи жиҳатларини яширади. Мисол учун, улар оила ва яқинлар ҳақида гапиришга шошилмайди. Шу сабабли баъзи юлдузларнинг муносабатлари ҳақида тасодифий пайдо бўладиган фактлар кўпинча мухлисларнинг ажабланишига сабаб бўлади. AdMe нашри машҳур шахсларнинг таржимаи ҳолини ўрганиб чиқиб, уларнинг кўпчилигини оилавий ришталар боғлашини аниқлади.
Анжелина Жоли ва Жаклин Биссет
Голливуд юлдузи Анжелина Жолининг машҳур чўқинтирган онаси бор — бу британиялик актриса Жаклин Биссет. У Труффонинг «Америка кечаси» (1973), «Тубсизлик» (1977) ва бошқа кўплаб фильмлардаги роллари билан танилган. Биссет Жолининг онаси Маршелин Бертранднинг яқин дугонаси эди. Шунинг учун Анжининг чўқинтирган онаси бўлиш шарафига айнан у муваффақ бўлганлиги ажабланарли эмас. Айтганча, Жаклин Жоли билан «Жаноб ва Смит хоним» (2005) фильмида рол ўйнаган. Аммо унинг иштирокидаги саҳналар лентанинг охирги версиясига киритилмаган.
Гленн Клоуз ва Брук Шилдс
Кўплаб мукофот соҳиблари Гленн Клоуз ва Брук Шилдс узоқ қариндошлардир. Гленннинг бобоси Чарльз Артур Мур ва Брукнинг бувиси Мери Элси Мур ака-сингил.
Кортни Кокс ва Мэттью Перри
Америкалик телевидение юлдузлари Кортни Кокс ва Мэттью Перри шунчаки дўст эмас, балки амакиваччалардир. Бундай хулосага MyHeritage генеалогик сайти тадқиқотчилари келди.
Мелисса Маккарти ва Марк Уолберг
Томошабинларга «Айғоқчи» фильмидаги роли билан таниш бўлган Мелисса Маккарти ва икки карра «Оскар» мукофотига номзод Марк Уолберг ўзига хос муносабатларга эга: актрисанинг амакиваччаси ҳамкасбининг акаси билан турмуш қурган.
Розанна Аркетт ва Патрисия Аркетт
Розанна ва Патрисия Аркетт нафақат битта фамилия, балки қариндошлик билан ҳам боғланганлигини кўпчилик билмайди. Актриса опа-сингиллар катта актёрлик оиласининг вакиллари. Уларнинг оиласида қолган учта фарзанд ҳам ўз ҳаётини кино билан боғлаган, аммо улар орасидан опа-сингиллар Розанна ва Патрисия машҳурликка эришди.
Жейсон Судейкис ва Жорж Вендт
Томошабинланинг севимли юлдузи Жейсон Судейкис унинг оиласидаги ягона юлдуз эмас. Жейсоннинг амакиси америкалик комедиячи ва кино актёри Жорж Вентдир.
Уоррен Битти ва Ширли Маклейн
«Бонни ва Клайд» ва «Багси» фильмларидаги роллари билан танилган Уоррен Битти актриса Ширли Маклейннинг укаси. Уларнинг иккиси ҳам Америка кино академиясининг фахрий мукофотига сазовор бўлиб, касбда юксак чўққиларни забт этган.
Даён Уорвик ва Уитни Хьюстон
Мухлислар томонидан севиб тингланадиган «I Wилл Алwайс Лове Ёу» таронаси муаллифи Уитни Хьюстон оиласида ҳаётини мусиқага бағишлаган ягона одам бўлмаган. Унинг онаси Эмили Хьюстон ўзининг Сисси тахаллуси билан машҳур бўлган ва ҳатто иккита «Гремми» мукофотини қўлга киритган. Уитнининг амакиваччаси эса поп юлдузи Даён Уорвик бўлиб, у фаолиятида 6 та «Гремми» ҳайкалчасини олишга муваффақ бўлган.
Маколей Калкин ва Майкл Жексон
«Уйда ёлғиз» комедиясининг юлдузи ва эстрада қироли «Black ор White» клипининг суратга олиш майдонида учрашди ва тезда тил топишиб кетди. 22 ёш фарққа қарамай, улар ўртасида мустаҳкам дўстлик пайдо бўлди ва Маколей Жексоннинг қизи Периснинг чўқинтирган отасига айланди. Актёр ҳозирги кунгача ўз қизи билан алоқада бўлиб, унинг ҳаётида фаол иштирок этади.
Бенедикт Камбербатч ва малика Диана
Маълум бўлишича, машҳур Шерлок ва малика Диана узоқ қариндошлар экан. Ажабланарлиси шундаки, уларнинг умумий аждоди Уильям Чалонер.
Дэвид ҳамда Виктория Бекҳэм ва Элтон Жон
Элтон Жоннинг кўплаб машҳур дўстлари бор. Улар орасида Бекҳэм билан оилавий муносабатлар анча мустаҳкамланган. Элтон унинг катта ўғиллари Бруклин ва Ромеонинг чўқинтирган отаси ҳисобланади.
Мавзуга доир:
Изоҳ (0)