Кал Майкл Жексон, етим Мерилин Монро — машҳурлар ҳақида сиз билмаган фактлар

Машҳур инсонларни миллионлаб мухлислар кузатади. Уларни кумирлари ҳаётидаги энг кичик тафсилотлар ҳам қизиқтиради: қаерда яшайди, ким билан дўст ва муносабатларни қандай қуради. Аммо ҳали ҳам юлдузлар ҳақида сиз билмаган фактлар талайгина.

Майкл Жексон сочи йўқ жойини татуаж ва улама соч билан яширган

Жексон 1984 йилда реклама ролигини суратга олиш пайтидаги бахтсиз ҳодисадан кейин парик кийишни бошлаган. Гап шундаки, мушакбозлик вақтида унинг сочига учқун тегган. Натижада қўшиқчи қаттиқ куйган, баъзи маълумотларга кўра, қисман кал ҳам бўлиб қолган.

Улама сочдан ташқари, Майкл татуаж қилиш орқали ҳам сочи йўқ жойларини яширган.

Худди шу сабабга кўра Шон Коннери ҳам иштирокидаги Жеймс Бонд фильмининг барча қисмларида улама сочдан фойдаланган.

Актёр 21 ёшида кал бўла бошлаган. Шунинг учун Бонднинг 1-фильмидан бошлаб у сунъий соч қопламасидан фойдаланган.

Мерилин Монро етимман деб ҳаммага ёлғон гапирган

Актриса болалигининг кўп қисмини боқиб олган оилаларда ва болалар уйида ўтказган. Монронинг онаси руҳий касалликдан азият чеккан, отасини эса умуман кўрмаган. Етим қиз образи актрисасининг кинодаги карьерасига катта ёрдам бериши мумкин эди ва у шундай йўл тутди.

Кино бизнесига илк қадамларини қўяётган Мерилин агентларнинг таклифига биноан ота-онаси йўқлиги ҳақидаги ҳикояни ўйлаб топган. Ҳақиқат юзага чиққанда эса актриса ОАВга тўғрисини айтишга мажбур бўлган.

Уитни Хьюстон Роберт Де Нирони рад этган

Хонанда ҳар доим эркаклар эътибори марказида бўлган ва унга мафтун бўлганларнинг кўпи машҳур одамлар эди. Улар орасида Роберт Де Ниро ҳам бўлган. Актёр том маънода актрисани таъқиб қилиб, уни учрашувларга таклиф қиларди. Аммо Хьюстон ўз сўзида қатъий туриб, уни рад қилган.

Селин Дионнинг ғалати одати бор

Ҳар бир артистнинг саҳнага чиқиш олдидан ҳаяжонини енгишга ёрдам берадиган ўзига хос одати бўлади. Селин Дион ҳам бундан мустасно эмас. Хонанда ҳар оқшом саҳнага чиқишдан олдин марҳум эри Рене Анжелил қўлининг бронза нусхасини силкитиб, у билан дарахтни тақиллатади.

Брюс Уиллис «Армагеддон» ва «Олтинчи ҳис» фильмларида қарзларидан қутулиш учун суратга тушган

90 йилларнинг охирларида Брюс Уиллис иштирокидаги «Бродвейлик жанжалкаш» катта бюджетли романтик комедияси чиқарилиши керак эди. Бироқ суратга олиш ишлари бошланганидан 20 кун ўтиб, жараён тўхтатилди, ижодий гуруҳнинг асосий аъзолари ишдан бўшатилди. Маълум бўлишича, бунга Уиллиснинг оғир характери сабабчи бўлган.

Бюджетнинг катта қисми сарфлангани учун Брюс катта машмашага дуч келади. Walt Disney Company харажатининг ўрнини қоплаш учун актёр жуда кам ҳақ эвазига навбатдаги 3 та фильмда суратга тушишга рози бўлган. Бу фильмлар «Армагеддон», «Олтинчи ҳис» ва «Кичкинтой» фильмлари эди.

Жорж Клуни Николь Кидман билан 2 марта гаров ўрнаб, иккаласида ҳам ютган

Жорж Клуни оила қурмаслигига шунчалик амин эдики, Николь Кидман билан катта пул эвазига гаров ўйнаган. 2001 йилда 40 ёшга тўлган актёр ҳали ҳам уйланмаган эди. Кидман гаров шартига кўра унинг юбилейига чек юборади.

Аммо актёр пулни қайтариб, гаров пулини икки баробарга оширган ва 50 ёшгача фарзандли бўлмаслик шарти билан яна гаров ўйнайди. Пулларни иккинчи марта ҳам Клуни ютади: актёр 56 ёшидагина эгизак қизлар — Элла ва Александранинг отаси бўлди.

Марлон Брандо иккита «Оскар»ини йўқотган, матн ёдлашни ҳам ёмон кўрган

Актёрнинг сўзларига кўра, 1954 йилда «Соҳил бўйида» фильмидаги иши учун унга берилган биринчи «Оскар» қаердадир йўқолиб қолган. Унинг ўрнига актриса Сачин Литтлфезер қабул қилган иккинчи ҳайкалча ҳақида у шундай дейди: «Академия уни менга юборган бўлиши мумкин. Лекин ҳозир қаердалигини билмайман».

Актёрга тегишли яна бир қизиқ тафсилот: у репликаларини ёд олишни ёқтирмаган. Бунинг ўрнига, Брандо ёрдамчилар унга кўрсатиб турадиган сўзлар ёзилган карточкалардан фойдаланган.

Матнли варақлар ҳамма ерга жойлаштирилган: деворларга ёпиштирилган, ҳамкасблари кийимига илиб қўйган. Ҳатто шу даражага етганки, «Чўқинтирган ота» фильмини суратга олиш чоғида Брандо сатрларни Роберт Дювалнинг кўкрагидан ўқиган.