Токиодан Сиэтлга учаётган самолёт 55 ёшли АҚШ фуқароси стюардессанинг қўлини тишлаб олгани учун учиш аэропортига қайтишга мажбур бўлди.
Парвоз душанба куни кечқурун амалга оширилган. Самолётга кўтарилганидан кўп ўтмай йўловчи Майкл Тревис Халярд стюардессанинг ўз ўрнига ўтириш ҳақидаги илтимосига агрессив тарзда жавоб бериб, авиакомпания ходимининг қўлини тишлаб, унга жароҳат етказди.
Самолёт Токионинг Ҳанеда аэропортига қайтишга мажбур бўлган, у ерда зўравон йўловчи қўлга олинган. Тергов давомида эркак бу воқеани эслай олмаслигини тан олди. TBS телеканали маълумотларига кўра, йўловчи парвоз вақтида ухлатувчи дори таъсирида бўлган.
Аввалроқ Хитойда самолётнинг учиши жанжал кўтарган йўловчи туфайли уч соатга кечиктирилган эди. Эркак бизнес-классга иккита чипта сотиб олган бўлиб, учинчисини фарзандига текин қилиб беришларини сўраган.
Изоҳ (0)