Хитойда товуқларни қўрқитиб ўлдирган эркак қамоққа ташланди

Хитойда қўшнисининг 1100 та товуғини фонар билан қўрқитиб ўлдирган эркак 6 ойлик қамоқ жазосига ҳукм қилинди. Бу ҳақда CNN хабар берди.

Суд ишида Гу фамилияли эркак қўшнисига тегишли товуқларни қўрқитиб ўлдиришда айбдор деб топилган. Қўшнилар ўртасида 2022 йил апрель ойида тортишув юзага келган, жумладан, Гунинг дарахтлари қўшниси Чжун томонидан рухсатсиз кесиб ташлаган. Хунан провинциясидаги Хенян округ суди Гу ўч олганини, хусусан, тунда Чжуннинг паррандачилик фермасига бир неча марта яширинча кирганини аниқлаган.

Гу ишлатган фонар товуқларда ваҳима қўзғатган ва улар бурчакка қочганларида тиқилинчда қолиб нобуд бўлган. Гу қўшнисининг ҳудудига биринчи марта бостириб кирганида, 500 та товуқ ҳалок бўлган. Шундан сўнг у полиция томонидан ҳибсга олинган ва 3000 юан (437 доллар) миқдорида товон пули тўлашга мажбур қилинган. Аммо Гу бу билан тўхтаб қолмай, иккинчи марта қўшнисининг 640 та товуғини нобуд қилган.

Хенян суди Гу қўшнисига қасддан “мулкий зарар” етказган деган қарорга келган. Хитой расмийлари 1100 та нобуд бўлган товуқнинг нархини 13 840 юанга (тахминан 2000 доллар) баҳолаган. Суд Гуни олти ойга қамоқ жазосига ҳукм қилган.