Хитой жануби-шарқидаги Гуандун провинциясида болалар боғчасига қилинган ҳужум оқибатида олти киши ҳалок бўлди, бир киши яраланди. Бу ҳақда BBC’га полиция хабар берди.
Ҳуқуқ-тартибот идоралари маълум қилишича, Ву фамилияли 25 яшар эркак ҳибсга олинган. AFP агентлиги шаҳар ҳукумати вакилига таяниб, аниқлик киритишича, ҳужум Лянцзян округидаги болалар боғчасига уюштирилган, қурбонлар — бир тарбиячи, икки ота-она ва уч нафар тарбияланувчи.
Полиция воқеани “қасддан ҳужум” деб атади, эркак ҳужумдан 20 дақиқа ўтиб ҳибсга олинган. Weibo хабар беришича, ҳужумчининг исми Ву Муцзе бўлиб, воқеа ҳозирча тергов қилинмоқда.
Эслатиб ўтамиз, 2021 йилда Хитой жанубидаги Гуанси-Чжуан автоном туманидаги болалар боғчасига бир эркак пичоқ билан ҳужум қилганди. Оқибатда 18 киши жароҳатланган — 16 бола ва икки ўқитувчи.
2018 йилда Хитойнинг Шенси провинциясида номаълум шахс ўрта мактаб ўқувчиларига ҳужум қилиши оқибатида етти нафар ўқувчи ҳалок бўлган, яна 12 нафари жароҳатланган. Қотил қўлга олинган.
Изоҳ (0)