Голливуднинг мазкур актёр ва актрисалар реал ҳаётда томошабинлар кўникиб қолган образларга мутлақо ўхшамайди.
Том Харди
Кўринишидан қўпол Том Харди спорт залига боришни ёқтирмайди, чунки уни у ерда шуғулланадиган мушакдор йигитлар қўрқитади. Актёр реал ҳаётда кинодагидек жасур эмаслигини тан олади ва ўз қаҳрамонларини яратар экан, тренажёр машғулотларига тақлид қилади, лекин улардан чиндан қўрқади.
Лиам Нисон
-9P4HOqtN.png)
Лиам Нисон кўп йиллардан бери ўта кучли ва довюрак йигит ролларини ўйнаса-да, баландлик масаласига келганда чин маънода қўрқоққа айланади. Юлдуз нафақат осмонўпар бинонинг томида туришдан ёки шунга ўхшаш ҳолатлардан қўрқади, ҳатто лампочкани алмаштириш учун стулга чиқишнинг ўзидаёқ ваҳимага тушади.
Дэнни Трехо
-GuWVFdLe.png)
Дэнни Трехо фильмларида қатъиятли ва довюрак, баъзида эса шафқатсиз ва чиндан ҳам ваҳимали кўринади. Бироқ аслида у ажойиб инсон. Унинг маҳбуслар билан олиб бораётган кўнгилли ишлари, уларга тузалишга ва тўғри йўлни топишга ёрдам бериши эътиборга лойиқ. “Қаерга бормайин, қувонч ва бахт улашишни хоҳлайман”, дейди жангари фильмлар юлдузи.
Жек Глисон
-seZvAEpw.png)
Жек Глисон “Тахтлар ўйини”да шафқатсиз Жоффри Баратеон образини шунчалик ишончли ўйнаганки, уни нафақат бошқа бирор ролда тасаввур қилиш, балки ҳаётда яхши одам деб ҳисоблаш ҳам қийин. Аммо Кит Харингтон (Жон Сноу) сўзларига кўра, унинг ҳамкасби “жуда ёқимтой, хотиржам, қизиқарли йигит” ва “Жоффрига умуман ўхшамайди”. Жек ҳайвонларни яхши кўради, шунингдек, хайрия ишларида фаол иштирок этади.
Стив Мартин
-z_kDJqea.png)
Стив Мартин аслида кўплаб қаҳрамонлари каби ғалати, ақлдан озган ва ўзини тута олмайдиган эркак эмас. Юлдузнинг сўзларига кўра, у табиатан уятчан ва ҳали ҳам ўзига нисбатан “номутаносиб эътибор туфайли” ўзини ноқулай ҳис қилади.
Чарли Чаплин
-AwEQe7V5.png)
Экранда Чарли Чаплин ёқимтой ҳазилкаш сифатида гавдаланарди. Бироқ Марлон Брандонинг сўзларига кўра, афсонавий актёр “у учратган энг садист одам” бўлган. Чаплин билан “Гонконглик графиня” фильмида суратга тушган Брандо унинг бутун суратга олиш гуруҳи олдида ўз ўғлини камситгани ва масхара қилганига гувоҳ бўлган. Бир куни эса Чарли Марлонни саҳнага кечикиб келгани учун аёвсиз танқид қилиб, актёр “касбини иснодга қўяётганини” айтган.
Изоҳ (0)