Gollivudning mazkur aktyor va aktrisalar real hayotda tomoshabinlar ko‘nikib qolgan obrazlarga mutlaqo o‘xshamaydi.
Tom Xardi
Ko‘rinishidan qo‘pol Tom Xardi sport zaliga borishni yoqtirmaydi, chunki uni u yerda shug‘ullanadigan mushakdor yigitlar qo‘rqitadi. Aktyor real hayotda kinodagidek jasur emasligini tan oladi va o‘z qahramonlarini yaratar ekan, trenajyor mashg‘ulotlariga taqlid qiladi, lekin ulardan chindan qo‘rqadi.
Liam Nison
-9P4HOqtN.png)
Liam Nison ko‘p yillardan beri o‘ta kuchli va dovyurak yigit rollarini o‘ynasa-da, balandlik masalasiga kelganda chin ma’noda qo‘rqoqqa aylanadi. Yulduz nafaqat osmono‘par binoning tomida turishdan yoki shunga o‘xshash holatlardan qo‘rqadi, hatto lampochkani almashtirish uchun stulga chiqishning o‘zidayoq vahimaga tushadi.
Denni Trexo
-GuWVFdLe.png)
Denni Trexo filmlarida qat’iyatli va dovyurak, ba’zida esa shafqatsiz va chindan ham vahimali ko‘rinadi. Biroq aslida u ajoyib inson. Uning mahbuslar bilan olib borayotgan ko‘ngilli ishlari, ularga tuzalishga va to‘g‘ri yo‘lni topishga yordam berishi e’tiborga loyiq. “Qayerga bormayin, quvonch va baxt ulashishni xohlayman”, deydi jangari filmlar yulduzi.
Jek Glison
-seZvAEpw.png)
Jek Glison “Taxtlar o‘yini”da shafqatsiz Joffri Barateon obrazini shunchalik ishonchli o‘ynaganki, uni nafaqat boshqa biror rolda tasavvur qilish, balki hayotda yaxshi odam deb hisoblash ham qiyin. Ammo Kit Xarington (Jon Snou) so‘zlariga ko‘ra, uning hamkasbi “juda yoqimtoy, xotirjam, qiziqarli yigit” va “Joffriga umuman o‘xshamaydi”. Jek hayvonlarni yaxshi ko‘radi, shuningdek, xayriya ishlarida faol ishtirok etadi.
Stiv Martin
-z_kDJqea.png)
Stiv Martin aslida ko‘plab qahramonlari kabi g‘alati, aqldan ozgan va o‘zini tuta olmaydigan erkak emas. Yulduzning so‘zlariga ko‘ra, u tabiatan uyatchan va hali ham o‘ziga nisbatan “nomutanosib e’tibor tufayli” o‘zini noqulay his qiladi.
Charli Chaplin
-AwEQe7V5.png)
Ekranda Charli Chaplin yoqimtoy hazilkash sifatida gavdalanardi. Biroq Marlon Brandoning so‘zlariga ko‘ra, afsonaviy aktyor “u uchratgan eng sadist odam” bo‘lgan. Chaplin bilan “Gonkonglik grafinya” filmida suratga tushgan Brando uning butun suratga olish guruhi oldida o‘z o‘g‘lini kamsitgani va masxara qilganiga guvoh bo‘lgan. Bir kuni esa Charli Marlonni sahnaga kechikib kelgani uchun ayovsiz tanqid qilib, aktyor “kasbini isnodga qo‘yayotganini” aytgan.
Izoh (0)