Бугунги эътиборимизга тушган қаҳрамонларнинг умумий бир жиҳати бор: улар умрларининг деярли ярмини машҳурлик ва муваффақият учун курашиб ўтказган. Қийинчиликларга қарамай, кеч бўлса-да, улар ўз мақсадига эришиб, бутун дунёга таниқли юлдузга айландилар. Ахир айтганларидек, 40 ёшдан кейин ҳаёт энди бошланади.
Кристоф Вальц
2007 йилгача Вальц театрда кичик саҳналарда рол ўйнаган ҳамда теледастурларда иштирок этган. Австриялик актёр 51ёшида режиссёр Квентин Тарантино томонидан суратга олинган “Манфур кимсалар” фильмида Ганс Ланд образини гавдалантирган ва ушбу фильм орқали актёрнинг ҳаёти бутунлай ўзгариб кетган.
Виола Дэвис
Америкалик актриса ва продюсер Виола Дэвис 28-ёшида магистрлик даражасини олади. Бир неча йиллар давомида у қўғирчоқ театрида ишлаб келади. Бироқ унинг айнан 43 ёшида “Шубҳа” фильмида ўйнаган роли томошабинлар эътирофга сазовор бўлди ва актриса бошқа лойиҳаларда бош ролларни ижро эта бошлади.
Люсил Болл
Машҳур комедия актрисаси фаолияти давомида катта муваффақиятга эришиши узоқ вақт талаб қилди. Болл 40 ёшида телевидениеда “I Love Lusy” теле-шоуси орқали нафақат кўрсатувлар манзарасини ўзгартирди, балки машҳурликка эришишига ҳам сабаб бўлди.
Стив Карелл
Турли хил фильмларда рол ижро этиб келаётгандан Стив “Бошловчи” комедиясидаги роли орқали машҳурликка эришди. Ўша вақтда 43 ёшда бўлган актёр ўзининг истеъдоди ва комедиянинг ёрқинлигини намойиш этиб, томошабинларнинг эътиборини қозонди. Фильм унинг ҳаётидаги энг ёрқин лойиҳалардан биридир.
Жуди Денч
Буюк Британияда актриса сифатида машҳурлик қозонишига қарамай, Денч Америка фильм саноатига ҳам кириб келди. У 1995 йилда суратга олинган “Олтин кўз” фильмида Жеймс Бонднинг раҳбари образи орқали муваффақиятга эришди. Денч ўша вақтда 60 ёшда эди. У фильм ортидан “Оскар” мукофотини қўлга киритди ҳамда олтита турли хил номинациялар соҳибасига айланди
Морган Фриман
Морган Фриман 30 ёшида “Ҳелло, Долли” мюзиклида рол ўйнади. Бироқ актёр иштирокидаги бу лойиҳа муваффақиятсизликка учради. Аста-секин Фриманнинг карьераси ва шахсий ҳаёти пасая бошлади ва уни “Кўча йигити” фильмига таклиф қилинганидан кейингина 50 ёшли актёрнинг карьераси ниҳоят яхшилана бошлади. Унинг актёрлик маҳорати танқидчилар томонидан олқишланди ва Фриман 1990 йилларда машҳур актёрга айланди. Орадан вақт ўтиб у “Етти” ва “Шоушенкдан қочиш” каби фильмларда суратга тушди.
Кристен Уиг
Коллежни битирганидан сўнг, Кристен актёрлик фаолиятини давом эттиришга қарор қилади. У Лос-Анжелесга кўчиб ўтди ва актёрликни ривожлантирувчи гуруҳларга аъзо бўлди. Saturday Night Live комедик теледастурида машҳурликка эришганда Уиг 32 ёшда эди.
Лиам Нисон
Нисон 41 ёшига қадар “Миссия” фильми каби унчалик таниқли бўлмаган ва танқидчилар томонидан юқори баҳо берилмаган лойиҳаларда иштирок этди. Аммо унга 1993 йилда Стивен Спилбергнинг “Шиндлер рўйхати” фильми ҳақиқий машҳурлик келтирди. Шундан сўнг актёрга йирик лойиҳаларда таклифлар кела бошлади. Ўша вақтда Лиам Нисон 41 ёшда эди.
Кети Бейтс
Бейтс ўзининг актёрлик карьерасини бир неча йиллар давомида изчил олиб борди ва ниҳоят 42 ёшида Стивен Кингнинг китобига асосланган “Мизери” триллерида рол ўйнаганидан кейин машҳурликка эришди. Бу фильм унга “Оскар” мукофотини тақдим этди ва актриса маҳоратини бутун дунёга танитди.
Сильвестр Сталлоне
1990 йилларда Сталлоне ҳаваскор актёр ва ёзувчи сифатида ҳаётида молиявий қийинчиликларга дуч келди. Унинг иштирокидаги “Рокки” фильмлари ортидан Сталлоне юлдузга айланди.
Кетрин Юстен
56 ёшида актриса ўзининг актёрлик орзуларини рўёбга чиқариш учун Лос Анжелесга кўчиб ўтишга дадил қарор қилди. Катта тажрибага эга актёрлар билан рақобатлашаётганига қарамай, у 70 ёшида “Ғарбий қанот” сериалида дебют қилди.
Изоҳ (0)