BBC нашрининг хабар беришича, Россия-Украина урушининг уч йиллик даврида камида олти минг нафар рус армиясининг элита ҳарбий хизматчиси ҳалок бўлди.
Ўлганларнинг аниқ сони 6083 кишини ташкил қилади. Нашр ёзганидек, гап Ҳаво-десант кучлари, денгиз пиёдалари, махсус кучларнинг “энг жанговар бўлинмаларидан” профессионал ҳарбий хизматчилар, шунингдек, ҳарбий учувчилар ҳақида кетмоқда.
Ҳалок бўлган олти минг ҳарбийларнинг аксариятини десантчилар ташкил қилади — 3957 киши. Бу рақамга оддий ҳарбий хизматчилар ва кўнгиллилар (419 киши), шунингдек, сафарбар қилинганлар (253) киради. Хусусан, Кострома шаҳридан 331-гвардия ҳаво-десант полки ва Уляновскдан 31-гвардия ҳаво-десант бригадаси жиддий талафотларга учради.
Шунингдек, 2025 йилнинг январига келиб Украинада камида 1247 нафар денгиз пиёдаси, 580 нафар ҳарбий ҳаво десантлар (шундан 108 нафари офицер) ва 267 нафар ҳарбий учувчилар ҳалок бўлган.
BBC маълумотларига кўра, битта снайпер учувчини тайёрлашга 15-17 йил кетиши ва 12-14 миллион долларга тушиши мумкин.
Аввалроқ Financial Times нашри Трамп жамоаси Украинадаги можарони ҳал қилиш режасини ўзгартираётганини маълум қилганди.
Трампнинг можарони тезда ҳал қилиш ҳақидаги сайловолди баёнотларига қарамай, ҳозирда унинг жамоаси вазиятни ярим йил ичида ҳал қилиш мумкинлигини айтмоқда.
Бу европалик ҳамкорлар томонидан Трамп маъмуриятининг Киевни қўллаб-қувватлашдан зудлик билан воз кечиш нияти йўқлигининг белгиси сифатида қабул қилинмоқда.
Изоҳ (0)