Грузия бош вазири Ираклий Кобахидзе Франция президенти Эммануэл Макронга Украинани кузатишни маслаҳат берди.
Макрон 6 январь куни Россиянинг ўз қўшниларига нисбатан “анча тажовузкор” бўлиб қолганини таъкидлаб, бунга мисол сифатида Грузияда 2024 йил 26 октябрда ўтказилган парламент сайловларини келтирган. Франция раҳбарининг айтишича, Россия Грузиядаги сайлов жараёнини беқарорлаштирмоқчи бўлган.
“Франция президенти қурбон қилинган Украинага эътибор қарацин. Мен ҳақиқий муаммо ҳақида гапиряпман. Ёлғонга изоҳ бера олмайман. Мен бугун ҳамма гувоҳи бўлиб турган — вайрон этилган Украина муаммосини шарҳламоқдаман”, деди Кобахидзе.
Грузияда парламент сайловлари 2024 йилнинг 26 октябрь куни ўтказилган эди. Марказий сайлов комиссиясининг якуний маълумотларига кўра, ҳукмрон “Грузин орзуси — Демократик Грузия” партияси 53,93 фоиз овоз билан ғалаба қозонган ва қонун чиқарувчи органдаги 150 ўриндан 89 тасини эгаллаган. 5 фоизлик чегарани тўртта мухолиф партия ҳам енгиб ўтган.
Улар Грузиянинг собиқ президенти Саломе Зурабишвили билан биргаликда, сайлов натижаларини сохталаштирилган деб ҳисоблаб, тан олишдан бош тортишган. Мухолифат етакчилари 4 ноябрдан бошлаб норозилик намойишлари ўтказиб келмоқда.
Изоҳ (0)