Туркия томонлар келишадиган формат ва параметрлар доирасида Украинадаги можарони ҳал қилиш бўйича музокаралар учун майдон бўлишга тайёрлигини маълум қилди, дея “РИА Новости” хабар берди.
Туркия ТИВдаги манбанинг аниқлик киритишича, мамлакат ҳозирча томонларга музокаралар бўйича ҳеч қандай режани таклиф қилмаган.
Манбанинг таъкидлашича, Истанбул махсус операция бошиданоқ музокаралар орқали тинчликка эришиш тарафдори. Унинг қўшимча қилишича, мамлакат Россия-Украина урушининг дастлабки кунларида мамлакат можаро томонларини Анталия ва Истанбулда бирлаштирган ва у ерда улар “тинчликка жуда яқин келган”.
Нашр суҳбатдоши, бўлаётган зиддиятда дипломатия учун жой очиш вақти келганини қайд этди.
“Туркия тинчлик йўлидаги саъй-ҳаракатларда воситачи ролини ўйнашга ва томонлар томонидан ўзаро келишилган формат ва параметрлар доирасида бўлиши мумкин бўлган музокараларни қайта қабул қилишга доимо тайёр. Бироқ бундан ташқари, Туркия томонларга ҳеч қандай аниқ режа тақдим этмаган”, дейди у.
Жорий йилнинг 2 январь куни Туркия ташқи ишлар вазири Ҳакан Фидан Бельгия ташқи ишлар вазири Бернар Кентен билан музокаралар чоғида Украинадаги ўт очишни имкон қадар тезроқ тўхтатишга чақирди. Шунингдек, у можаро туфайли юзага келган миграция, иқтисодий ва бошқа инқирозларни тезроқ тўхтатиш кераклигини айтди.
Изоҳ (0)