Олий суд интернетда диний экстремистик, террористик ва ақидапарастлик ғоялари билан йўғрилган деб топилган ва Ўзбекистон ҳудудига олиб кириш, тайёрлаш, сақлаш, тарқатиш ва намойиш этилиши тақиқланган манба ва контентларнинг янгиланган рўйхатини эълон қилди.
Мазкур рўйхатга 1400 га яқин саҳифа ва каналлар киритилган. Жумладан, Telegram’да 713 та, Instagram’да 226 та, Facebook’да 203 та, YouTube’да 135 та, TikTok’да 44 та, OK.ru’да 35 тани ташкил қилади.
Шунингдек, веб-сайтлар ва ижтимоий тармоқлардаги аудио, видео ва матн форматидаги материаллар киритилган.
2024 йилнинг январь ойида ҳам Олий суд томонидан экстремизм ва терроризм ғоялари билан йўғрилган деб топилган, Ўзбекистон ҳудудига олиб кириш, тайёрлаш, тарқатиш ва намойиш этиш тақиқланган материаллар рўйхати эълон қилинганди.
Изоҳ (0)