Россия мусулмонлари диний бошқармаси уламолар кенгаши кўпхотинликка рухсат берувчи фатвони қайтариб олди. Бу ҳақда кенгаш раиси Шамил Аляутдинов хабар берди.
Қарор Бош прокуратуранинг чақириғи ва Россия жамоатчилигининг муносабати билан қабул қилинган.
Россия Бош прокуратураси “Россия мусулмон ҳамжамиятида кўпхотинлилик масаласи” фатвосини бекор қилишга чақиргани ҳақидаги ОАВда пайдо бўлган маълумот ва Россия жамоатчилиги томонидан билдирилган муносабат сабабли, Мусулмонлар диний бошқармаси уламолар кенгаши мазкур фатвони қайтариб олмоқда. Бу Аллоҳнинг иродаси, шу боис Россия мусулмонлари диний бошқармаси бу масалада мунозарага киришишни маъқул кўрмайди, дейилади расмий муносабатда.
Россияда кўп хотинлилик ҳақидаги фатво ва Бош прокуратуранинг муносабати
19 декабрь куни Россия мусулмонлари диний бошқармаси Уламолар кенгаши фатво эълон қилди. Унда мусулмон эркаклар тўрттагача шаърий никоҳ тузишлари мумкинлиги айтилган. Никоҳ тузиш мумкин бўлган сабаблар рўйхати, шунингдек, кўпхотинликка йўл қўйиладиган шартлар кўрсатилган.
23 декабрь куни Россия Бош прокуратураси фатво муносабати билан Мусулмонлар диний бошқармаси раисига тақдимнома киритди.
РФ Оила кодексининг 1-моддасига кўра, Россияда фуқаролик ҳолати далолатномаларини қайд этиш органларида тузилган никоҳ тан олинади. Фуқароларнинг никоҳга кириш ва оилавий муносабатларда, шу жумладан диний мансублигига кўра, ҳуқуқларини чеклашнинг ҳар қандай шакли тақиқланади, деган манба.
Изоҳ (0)