Украиналик ҳарбийлар қўлига ҳалок бўлган шимолий кореяликнинг кундалиги тушди. Тахминларга кўра, украиналик ҳарбийлар томонидан топилган саҳифалар Кён Хон Чжон исмли КХДР жангчисининг кундалик ёзувлари бўлиши мумкин.
У Курск вилоятида ҳалок бўлган. Украиналиклар унинг тахмин қилинган кундалигининг бир қисмини интернетда эълон қилди.
Шимолий Кореядаги ҳаёт ҳақида
“Мен саховатли партиянинг ишончли ҳимояси остида улғайганман ва кутганимдан кўра кўпроқ меҳр-муҳаббат олганман”, деб ёзган Кён.
Ҳарбий, шунингдек, Ким Чен Инга бўлган муҳаббати ҳақида ҳам ёзган:
“Мен бутун бахтимнинг манбайи бўлган ватанни ва олий раҳбарни ҳимоя қилиш учун инқилобнинг ҳарбий либосини кийдим”.
Ҳарбий хизмат тўғрисида
Кён “ўз партиясига хиёнат қилгани” ва “олий раҳбарга нисбатан номақбул иш қилган”ни эслатиб ўтади. Чамаси, у урушга бориб ўзини оқламоқчи бўлган:
“Гуноҳларим кечирилмас, аммо ватан менга қайта туғилиш, ҳаётимни янгидан бошлаш имкониятини берди”.
Ўлим ҳақида
“Мен фронтга бораман ва ҳаётим эвазига бўлса ҳам олий раҳбарнинг буйруқларига сўзсиз итоат этаман”.
Ҳарбий тактика ҳақида
Кундаликда дронлардан ҳимояланиш тактикаси ҳақида ҳам қайдлар мавжуд:
“Бир аскар дронни чалғитади, бошқа иккитаси эса уни таъқиб қилади. Дронни ўзига жалб қилаётган одам тўхтаганда, аппарат ҳам ҳаракатдан тўхтайди. Шу лаҳзада мерган дронни йўқ қилади”.
Изоҳ (0)