Ukrainalik harbiylar qo‘liga halok bo‘lgan shimoliy koreyalikning kundaligi tushdi. Taxminlarga ko‘ra, ukrainalik harbiylar tomonidan topilgan sahifalar Kyon Xon Chjon ismli KXDR jangchisining kundalik yozuvlari bo‘lishi mumkin.
U Kursk viloyatida halok bo‘lgan. Ukrainaliklar uning taxmin qilingan kundaligining bir qismini internetda e’lon qildi.
Shimoliy Koreyadagi hayot haqida
“Men saxovatli partiyaning ishonchli himoyasi ostida ulg‘ayganman va kutganimdan ko‘ra ko‘proq mehr-muhabbat olganman”, deb yozgan Kyon.
Harbiy, shuningdek, Kim Chen Inga bo‘lgan muhabbati haqida ham yozgan:
“Men butun baxtimning manbayi bo‘lgan vatanni va oliy rahbarni himoya qilish uchun inqilobning harbiy libosini kiydim”.
Harbiy xizmat to‘g‘risida
Kyon “o‘z partiyasiga xiyonat qilgani” va “oliy rahbarga nisbatan nomaqbul ish qilgan”ni eslatib o‘tadi. Chamasi, u urushga borib o‘zini oqlamoqchi bo‘lgan:
“Gunohlarim kechirilmas, ammo vatan menga qayta tug‘ilish, hayotimni yangidan boshlash imkoniyatini berdi”.
O‘lim haqida
“Men frontga boraman va hayotim evaziga bo‘lsa ham oliy rahbarning buyruqlariga so‘zsiz itoat etaman”.
Harbiy taktika haqida
Kundalikda dronlardan himoyalanish taktikasi haqida ham qaydlar mavjud:
“Bir askar dronni chalg‘itadi, boshqa ikkitasi esa uni ta’qib qiladi. Dronni o‘ziga jalb qilayotgan odam to‘xtaganda, apparat ham harakatdan to‘xtaydi. Shu lahzada mergan dronni yo‘q qiladi”.
Izoh (0)