Шимолий Кореядан 8000 га яқин аскар аллақачон Россия—Украина чегарасига етиб келган ва яқин кунларда жанговар ҳаракатларда қатнашишга тайёрланмоқда. Бу ҳақда АҚШ Давлат департаменти раҳбари Энтони Блинкен маълум қилди.
Блинкеннинг айтишича, Россия ҳарбийлари шимолий кореялик ҳамкасбларига артиллерия қуроллари ва дронлардан фойдаланиш, шунингдек, пиёда қўшинларининг асосий операциялари, жумладан, хандақларни тозалашни ўргатмоқда.
Аввалроқ Пентагон матбуот котиби Сабрина Сингх Шимолий Корея қўшинлари “яқин ҳафталарда Украина яқинидаги Россия қўшинларини кучайтириши”ни айтган эди.
Вашингтоннинг ҳисоб-китобларига кўра, Россия ҳудудида КХДРнинг жами 10 мингга яқин ҳарбий хизматчиси бор. Жанубий Корея уларнинг сонини 11 минг, Украинада эса 12 минг деб ҳисобламоқда.
Аввалроқ Қўшма Штатлар Хитойни Россияда жойлашган Шимолий Корея қўшинларини доимий жойлашиш жойларига қайтаришга эришишга чақирган эди.
Қайд этилишича, АҚШ президентининг миллий хавфсизлик бўйича маслаҳатчиси Жейк Салливан ҳам Шимолий Корея қўшинларининг Россияга юборилиши юзасидан бошқа бир қатор давлатларни Пекин билан боғланишга кўндириш ҳақида кўрсатма берган. Бироқ CNN суҳбатдошлари Ғарб расмийлари бу масала бўйича Хитой Шимолий Кореянинг режаларига халақит беришига ишонмаслигини айтган.
Изоҳ (0)