Ўзбекистондан Россияга узум экспорти йил бошидан буён ўтган йилнинг шу даврига нисбатан 60 фоизга ошиб, қарийб 160 минг тоннани ташкил этди. Бу ҳақда «Росселхознадзор» матбуот хизматига таяниб «ТАСС» хабар бермоқда.
Матбуот хизмати бошқарма бошлиғи Сергей Данкверт ва Ўзбекистон карантини ва ўсимликларни ҳимоя қилиш агентлиги бош директори Иброхим Эргашев ўртасидаги ишчи учрашув якунлари бўйича Росселхознадзор матбуот хизмати хабар берди.
Жорий йилда янги узум жўнатилган асосий товарга айланди, уни етказиб бериш қарийб 60 фоизга ошди ва салкам 160 минг тоннани ташкил этди, — дейилади хабарда.
Умуман олганда, Ўзбекистон мева-сабзавотларининг Россияга импорти ўтган йилнинг шу даврига нисбатан 27,3 фоизга ошиб, 471,1 минг тоннадан ортиқни ташкил этди.
Россия қишлоқ хўжалиги маҳсулотларининг Ўзбекистонга экспорти ноябрь ойи охирига келиб қиймат жиҳатидан 19 фоизга ошди.
Юбориладиган маҳсулотларнинг асосий турлари маргарин, кунгабоқар ёғи, шоколад, нон маҳсулотлари, соя кеки ва бошқа озиқ-овқат маҳсулотлари ҳисобланади.
«Росселхознадзор» таъкидлашича, Россия ва Ўзбекистон келгуси йилда фитосанитария назорати соҳасидаги ахборот тизимларини интеграциялашни якунлайди.
Шу тариқа, назорат қилинадиган маҳсулотларни ўзаро етказиб бериш бўйича электрон ҳужжат айланишига тўлиқ ўтади.
Бу ташилаётган юкларни рўйхатга олиш жараёнини тезлаштиради ва уларнинг кузатилишини таъминлайди, ташқи иқтисодий фаолият иштирокчиларининг молиявий ва моддий харажатларини камайтиради, — дея қўшимча қилди «Росселхознадзор».
Мавзуга доир:
Изоҳ (0)