2022 йилнинг январь октябрь ойларида «Ўзёғмойсаноат» уюшмаси корхоналари томонидан 36,2 миллион доллар миқдорида ёғ-мой маҳсулотлари экспорт қилинди. Бу ҳақда уюшма матбуот хизмати хабар бермоқда.
Таъкидланишича, ўн ой ичида экспорт борасида 2022 йил учун белгиланган прогноз кўрсаткичи 157 фоизга бажарилиши таъминланган.
Ўзбекистон ёғининг деярли барчасини Марказий Осиё мамлакатлари сотиб олади.
Йил бошидан бери Ўзбекистон энг кўп ёғ-мой маҳсулотлари экспорт қилган мамлакатлар орасида Афғонистон катта фарқ билан етакчилик қилмоқда — 25,6 миллион доллар.
Бу борада Тожикистон (3,4 миллион доллар) иккинчи, Туркманистон (3,2 миллион доллар) учинчи бўлган.
Ўн ойда Қозоғистонга 1,2 миллион долларлик, Қирғизистонга 866 минг долларлик ёғ етказиб берилган.
Бундан ташқари, ёғ-мой маҳсулотлари дунёнинг қуйидаги мамлакатлари бозорларига етказиб берилди:
- Россия;
- Грузия;
- БАА;
- Монголия;
- АҚШ;
- Нидерландия;
- Исроил;
- Ироқ;
- Озарбайжон.
Ўзбекистонга кунгабоқар ёғи асосан Россия ва Украинадан олиб келинади.
Изоҳ (0)