Вазирлар Маҳкамаси ҳузуридаги Макроиқтисодий ва ҳудудий тадқиқотлар институти (МҲТИ) мутахассислари октябрь ойида Тошкент шаҳридаги йирик супермаркетларда 21 номдаги озиқ-овқат маҳсулотлари нархининг ўзгаришини кўриб чиқди. Бу ҳақда институт ахборот хизмати “Дарё”га маълум қилди.
Мониторинг натижалари 9 номдаги маҳсулот бўйича минимал нархлар ўтган ойдагига нисбатан пасайганлигини кўрсатган:
- сабзи 22 фоиз;
- бодринг 12 фоиз;
- банан 9,8 фоиз;
- гречка 7,8 фоиз;
- помидор 6,3 фоиз;
- мол гўшти 5,9 фоиз;
- шакар 1,6 фоиз;
- кунгабоқар ёғи 1,4 фоиз;
- тухум 1,1 фоизга пасайган.
Беш номдаги маҳсулотнинг минимал нархлари ошган. Нархнинг ошиши бўйича гуруч етакчи бўлди. Гуруч нархининг ўсиши бозор омиллари, талаб ва таклифнинг ўзгариши билан боғлиқ.
Етти номдаги маҳсулотнинг энг паст нархлари ўзгаришсиз қолган. Булар:
- макарон;
- карам;
- лавлаги;
- сариқ пиёз;
- олма;
- лимон;
- маргарин.
*Эслатма, таҳлил 12 сентябрь ва 3 октябрь кунлари ўтказилган мониторинг маълумотлари асосида қилинган.
Изоҳ (0)