“Интер Майами” ҳужумчиси Лионель Месси Америка клубини тарк этиб, “Манчестер Сити”га ўтиши мумкин.
Tuttosport хабарига кўра, “шаҳарликлар” бош мураббийи Пеп Гвардиола аргентиналик футболчининг трансферига жуда қизиқмоқда. Испаниялик мураббий Англия жамоаси ўйинини яхшилаш мақсадида Мессини мавсум охиригача ижарага олмоқчи. Қайд этилишича, “Интер Майами” клуби эгаси Девид Бекҳэм Англияда ўзини синаб кўрмоқчи бўлса, футболчини қўйиб юборишга тайёр.
Маълумот учун, Лионель Месси 2023 йилнинг ёзида Франциянинг “ПСЖ” клубидан эркин агент сифатида “Интер Майами”га ўтган эди. Бу вақт ичида аргентиналик футболчи клуб сафида 39 та ўйин ўтказиб, 34 та гол ва 19 та голли узатмани амалга оширди.
Аввалроқ футболчи қайси футболчи унинг ёшлигига ўхшаши ва “Барселона”да унга энг катта таъсир ўтказган икки киши ҳақида айтганди.
Изоҳ (0)