“Inter Mayami” hujumchisi Lionel Messi yangi avlodning eng yaxshi futbolchisi kim ekanini aytdi.
“Kimda o‘zimning yoshligimni ko‘ryapman? Menga hozirgi yosh futbolchilar yoqadi, ularda ko‘p narsa bor. Albatta, men Lamin Yamal haqida ko‘p eshitganman. Unga izchillikni saqlash zarur, lekin bu nafaqat uning o‘ziga, balki boshqa omillarga ham bog‘liq. U allaqachon ajoyib o‘yin ko‘rsatmoqda va ishonchim komilki, uni yorqin kelajak kutmoqda”, deya Messining so‘zlarini keltiradi Football Espana.
Joriy mavsumda 17 yoshli Yamal “Barselona” safida barcha turnirlarda 20 ta o‘yin o‘tkazib, 6 ta gol va 12 ta golli uzatmani amalga oshirdi. Futbolchining klub bilan amaldagi mehnat shartnomasi 2026-yilning yoziga qadar amal qiladi. Transfermarkt portalida berilgan ma’lumotlarga ko‘ra, futbolchining bozor qiymati 150 million yevroni tashkil qiladi.
Avvalroq Messi “Barselona”da ikki kishi uning faoliyatida alohida o‘rin tutishini ma’lum qilgandi.
Izoh (0)