17 ой деганда жаримадан гол урган Лионель Месси бу борада Роналдудан ўзиб кетди ва Рональд Куманга етиб олди

«ПСЖ» ҳужумчиси Лионель Месси Франциянинг чемпионатининг 9-тури доирасида «Ницца»га қарши кечган баҳсда (2:1) жарима тўпидан гол урди.

Месси фаолияти давомида 60 марта жарима зарбасидан унумли фойдаланди. У 50 та голни «Барселона» сафида, яна тўққизтасини Аргентина терма жамоасида киритган.

Месси бу борада «Манчестер Юнайтед» форварди Криштиану Роналдуни иккита голга ортда қолдирмоқда. Шунингдек, Месси жаримадан гол уриш бўйича дарвозабон Рожирио Сени ва Марселинё Мариокани ортда қолдирди.

Месси бу борада собиқ ҳимоячи Рональд Куман билан бирга 8-ўринда бормоқда. Фақат Зико (62), Диего Марадона (62), Дэвид Бекҳэм (65), Роналдиньо (66), Виктор Легротале (66), Пеле (70) ва Жунинё Пернамбукано (77) улардан олдинда.

Қайд этиш керак, Аргентиналик футболчи клуб миқёсида 17 ойдан бери жаримадан гол ура олмаётганди. Сўнгги бор Лео 2021 йилнинг 2 май куни Ла Лига доирасидаги ўйинда «Валенсия» (3:2) дарвозасини ишғол қилганди.