Аргентиналик футболчи Лионель Месси Эквадорга қарши баҳсда (1:0) жарима зарбасидан гол урди.
Лео жарима зарбаларидан урган голлари сонини 65 тага етказди ва бу борада Девид Бекҳэм билан тенглашиб олди. Португалиялик ҳужумчи Криштиану Роналду эса фаолияти давомида 60 марта жарима зарбасидан гол урган.
Жарима зарбаларидан гол уриш бўйича рекорд Жуниньо Пернамбуканога тегишли. Бразилиялик ярим ҳимоячи 77 марта стандартдан рақиб дарвозасини ишғол қилган.
Иккинчи ўрин эса афсонавий футболчи Пелега (70 та гол) тегишли. Виктор Легротале ва Роналдиньолар кейинги ўринлардан жой олган. Ҳар иккала футболчи 66 марта жаримадан гол урган.
Изоҳ (0)