“ПСЖ” ҳужумчиси Лионель Месси фаолиятини MLS‘да давом эттириши мумкин.
Аввалроқ 35 ёшли аргентиналикнинг MLS‘га ўтиш эҳтимоли 10—20 фоизга баҳоланганди. Девид Бекҳем ва унинг “Интер Майами” жамоаси ЖЧ—2022 дан буён Леонинг атрофидагилар билан мулоқотда бўлиб турибди. Шунингдек, “Интер” Мессига клубнинг 5 фоиз акциясини ҳам ваъда қилган.
Diario Sport нашрининг хабарига кўра, Майами клуби аргентиналикни таклиф қила олмайди. Чунки лигада маош чегараси йилига 6 миллион еврони ташкил этади.
Бироқ, Америка лигаси Мессини жамоага таклиф қилган клубга ёрдам бермоқчи. Клуб хўжайинларининг йиғилишида Лео учун кураш муҳокама қилинган.
Шундай формула ўйлаб топилди: MLS‘нинг барча клублари Месси маошининг бир қисмини тўлаб беради. Қайси клубга ўтишни эса 35 ёшли футболчининг ўзи ҳал қилади.
Аргентиналик футболчи MLS‘га ўтиши, лиганинг телевизион ҳуқуқлари сотуви ошишига, шунингдек, ЖЧ—2026 олдидан АҚШ футболининг янада машҳурлашишига ёрдам беради.
Футболчининг ўзи фаолиятини Европада давом эттиришни хоҳламоқда. “ПСЖ” унга янги шартнома таклиф қилган, ундан ташқари “Барселона” ҳам Леони ортга қайтариш имкониятини кўриб чиқмоқда.
Изоҳ (0)