“Интер Майами” ҳужумчиси Лионель Месси янги авлоднинг энг яхши футболчиси ким эканини айтди.
“Кимда ўзимнинг ёшлигимни кўряпман? Менга ҳозирги ёш футболчилар ёқади, уларда кўп нарса бор. Албатта, мен Ламин Ямал ҳақида кўп эшитганман. Унга изчилликни сақлаш зарур, лекин бу нафақат унинг ўзига, балки бошқа омилларга ҳам боғлиқ. У аллақачон ажойиб ўйин кўрсатмоқда ва ишончим комилки, уни ёрқин келажак кутмоқда”, дея Мессининг сўзларини келтиради Football Espana.
Жорий мавсумда 17 ёшли Ямал “Барселона” сафида барча турнирларда 20 та ўйин ўтказиб, 6 та гол ва 12 та голли узатмани амалга оширди. Футболчининг клуб билан амалдаги меҳнат шартномаси 2026 йилнинг ёзига қадар амал қилади. Transfermarkt порталида берилган маълумотларга кўра, футболчининг бозор қиймати 150 миллион еврони ташкил қилади.
Аввалроқ Месси “Барселона”да икки киши унинг фаолиятида алоҳида ўрин тутишини маълум қилганди.
Изоҳ (0)