Лионель Месси «Интер Майами» акциядорига айланиб, ўша ерда ўйнамоқчи

«ПСЖ» ҳужумчиси Лионель Месси АҚШнинг «Интер Майами» клуби акциядорига айланиб, 2023 йилдан фаолиятини ўша ерда давом эттирмоқчи.

Аргентиналик «ПСЖ» билан амалдаги шартномаси якунига етгач, MLSга ўтиш истагида.

34 ёшли ҳужумчи «Интер Майами» клуби акцияларининг 35 фоизини сотиб олмоқчи ва ўша ерда ўйнашни мақсад қилган, дея хабар беради Marca.

Майами клубининг эгаларидан бири «Манчестер Юнайтед» ва «Реал» собиқ ярим ҳимоячиси Дэвид Бекҳэм ҳисобланади.

Аввалроқ Бекҳэм 2023/24 йилги мавсумда ўз жамоасига Лионель Месси, Луис Суарес, Серхио Бускетс ва Хорди Альбаларни таклиф қилмоқчи эканлиги хабар қилинганди.

Лионель Месси 2021/22 йилги мавсум «ПСЖ» сафида Лига 1 да 25 та ўйин ўтказиб, 6 та гол ва 13 та голли узатмага муаллифлик қилди.