Америкалик тадбиркор Илон Маскнинг соф капитали 50 млрд долларга ошиб, 400 млрд доллардан кўпроққа етди.
Эндиликда, Bloomberg миллиардерлар индексига кўра, SpaceX асосчисининг капитали 439,2 миллиард долларни ташкил этмоқда. Bloomberg нашрига кўра, Маск бойлиги 400 миллиард доллардан ошган биринчи одам бўлди.
АҚШдаги президентлик сайловларида Дональд Трамп ғалаба қозонганидан кейин тадбиркорнинг мулки кескин ошди. Маск, шунингдек, республикачининг бўлажак ҳукуматида ҳам ўрин эгаллади. The New York Times федерал ҳужжатларга таяниб ёзганидек, миллиардер Трампга сайловда ғалаба қозонишига ёрдам бериш учун 250 миллион доллардан ортиқ маблағ сарфлаган.
Bloombergнинг аниқлик киритишича, Tesla акциялари ўзини ўзи бошқарадиган автомобиллар учун қоидаларни соддалаштириш ва компания рақобатчилари учун солиқ имтиёзларини бекор қилиш кутилаётган бир вақтда 65 фоизга ошди. Шунингдек, Маскнинг сунъий интеллект соҳасидаги хAI стартапи нархи икки баравар кўпроққа баҳоланмоқда.
Унинг қиймати президентлик сайловлари тугаганидан кейин 50 миллиард долларга етган эди. SpaceX шу ҳафта ходимлар ва бошқа инсайдерлардан акцияларни сотиб олиш бўйича 1,25 миллиард долларлик битимни якунлаб, компаниянинг баҳоланган қийматини 350 миллиард долларга етказди. Шундан сўнг SpaceX дунёдаги энг қиммат хусусий компанияга айланди.
Изоҳ (0)