АҚШнинг сайланган президенти Дональд Трамп Россия раҳбари Владимир Путин билан мулоқотга тайёрлигини айтди. Бу ҳақда у NBC телеканалига берган интервьюсида маълум қилди.
Трамп сайловдан бери 70 га яқин жаҳон етакчилари, жумладан, Украина президенти Владимир Зеленский ва Исроил бош вазири Бинямин Netaняҳу билан суҳбатлашганини айтди. У яқин келажакда АҚШнинг амалдаги президенти Жо Байден билан биргаликда тушлик қилиш учун учрашув белгилаганини такидлади.
Путин Трамп билан гаплашишга тайёр
7 ноябрь куни Россия президенти “Валдай” форумида сўзга чиқиб, биринчи марта Трампнинг сайловдаги ғалабаси билан табриклади.
Фурсатдан фойдаланиб, уни АҚШ президенти этиб сайлангани билан табриклайман. Америка халқи ишонадиган ҳар қандай давлат раҳбари билан ишлашимизни айтган эдим. Амалда ҳам шундай бўлади, деди Путин.
Шунингдек, у Трампнинг Украинадаги урушни ҳал этишга тайёрлигини айтган баёнотларини эслади.
У нима қилади - бу унга бериладиган саволлар. Лекин шу пайтга қадар жамоатчилик олдида айтилган гаплар, Россия билан муносабатларни тиклашга интилиш ва Украина инқирозини тугатишга кўмаклашиш ҳақидаги фикрлар, менинг назаримда, эътиборга лойиқ, деди Россия президенти.
Шунингдек, у Трамп билан мулоқот қилиш имкониятини истисно қилмаслигини айтди. Сиёсатчи алоқани ўзи бошлашга тайёрлигини таъкидлади, аммо Ғарб етакчилари аввал тез-тез қўнғироқ қилганини, кейин эса тўхтатганини таъкидлади.
Хоҳламасалар керак ҳам эмас, тушунтирди у.
Путин охирги марта АҚШнинг амалдаги президенти Жо Байден билан 2022 йил 12 февралда, Украинада уруш бошланишидан икки ҳафта олдин мулоқот қилган. Шундан сўнг Россия ва АҚШ раҳбарияти ўртасидаги алоқалар сезиларли даражада қисқарган. Шунга қарамай, Кремль зарурат туғилганда мулоқот қайта тикланиши мумкинлигини истисно қилмаяпти.
Изоҳ (0)