Президентликка Республикачилар партиясидан номзод Дональд Трамп сайловда ғалаба қозонса, Украинадаги урушни янги йилгача тугатишини айтди. Шу билан бирга, у бунга эришиш усулини ҳам очиқлади.
Унинг сўзларига кўра, у Украинадаги урушни расмий лавозимга киришишидан олдин ҳам тугатиши мумкин — регламентга кўра, инаугурация 20 январь куни бўлиб ўтади.
“Агар президентлик сайловларида ғалаба қозонсам, мен бу урушни расман лавозимга киришгунимга қадар сайланган президент сифатида ҳал қилишимга ишонаман. Мен бу урушни тўхтата оламан, чунки бу даҳшатли уруш. Улар Украинада сиз тасаввур қилганингиздан ҳам кўпроқ одамни ўлдирмоқда”, деди Трамп.
Трампнинг режасига кўра, у ҳокимиятга келганидан кейин 12 ой ичида энергия нархини икки баравар ёки ундан кўпроқ камайтириш ниятида эканини айтган.
“Путин 40 долларлик нефтга қарши кураша олмайди”, дея қўшимча қилган у.
Аввалроқ Трамп президентликка қайтгандан сўнг қисқа муддатда тинчликни таъминлашга қодирлигини бир неча бор таъкидлаган эди.
“Менинг ғалабам маълум бўлиши биланоқ мен икки кишига телефон орқали қўнғироқ қиламан: Путин ва Зеленский. Биз 24 соат ичида келишув тузамиз”, дея тафсилотларни ошкор қилмасдан хулоса қилган Американинг собиқ етакчиси.
Изоҳ (0)