Сайёрамизнинг энг бой одамларидан бири Илон Маск ОАВда Дональд Трампнинг Россия—Украина можароси бўйича режалари ҳақидаги маълумотга изоҳ берди. Миллиардернинг сўзларига кўра, “беҳуда қон тўкишлар” тез орада тўхтайди.
“Тез орада беҳуда қон тўкишлар тўхтайди. Уруш қўзғовчилар ва манфаатпарастларнинг куни битди”, деб ёзди Маск Х ижтимоий тармоғида.
WSJ маълумотларига кўра, Украинадаги можарога барҳам бериш вариантларидан бири сифатида Трампнинг жамоаси қуролсизлантирилган ҳудуд яратилишини ва Украинанинг камида 20 йил давомида НАТОга қўшилмаслик мажбуриятини кўради.
Axios манбаларининг хабар беришича, Илон Маск Дональд Трамп ва Украина президенти Владимир Зеленский ўртасидаги телефон суҳбатида иштирок этган.
Аввалроқ Россия президенти Владимир Путин Трампнинг Украинадаги уруш ҳақидаги баёнотлари эътиборга лойиқ эканини айтганди.
Изоҳ (0)