Қозоннинг “Рубин” жамоаси ярим ҳимоячиси Умарали Раҳмоналиев Англия Премьер лигасида ўйнаш истаги борлигини айтди. Бу ҳақда футболчи “РИА Новости”га берган интервьюсида гапирган.
Футболчининг айтишича, Англияда ҳужум, ҳимоя ва фикрлаш жуда тез.
“Бу айнан менга ёқадиган нарса. Қолаверса, у ерда менинг севимли жамоам ўйнайди, шунинг учун ҳам у ерда тўп тепишни хоҳлайман. Россия Премьер лигасини уларнинг чемпионатига қиёслаш мумкин, аммо бунинг учун кўпроқ ҳужумга ўтиб, кўпроқ ностандарт ўйнаш керак”, деган Раҳмоналиев.
Маълумот учун, Умарали 2023 йили Ўзбекистон U-20 терма жамоаси билан Осиё чемпиони бўлган.
Ўша йилнинг январидан бошлаб “Рубин” сафида 27 та ўйинда майдонга тушиб, иккита голли узатмани амалга оширган.
Изоҳ (0)