9 март куни Россия аэрокосмик кучлари Суриянинг Идлиб вилояти Басанкул ва Ашхани-Тахтани туманларида жангариларнинг иккита қароргоҳини йўқ қилган. Бу ҳақда Суриядаги зиддиятли томонларни яраштириш бўйича Россия маркази раҳбари ўринбосари Вадим Кулит маълум қилган, деб хабар берди “ТАСС” нашри.
“Россия аэрокосмик кучларининг Идлиб вилояти Басанкул ва Ашхани-Тахтани ҳудудларига берган зарбалари натижасида Сурия ҳукумати кучларини провокацион бомбардимон қилишда иштирок этган жангарилар жойлашган иккита қароргоҳ йўқ қилинди”, — дея баёнот берган Суриядаги Россия вакили.
Суриядаги зиддиятли томонларни яраштириш бўйича Россия маркази бошлиғи ўринбосари Вадим Кулитнинг таъкидлашича, сўнгги 24 соат давомида Идлиб вилоятида “Жабҳат ан-Нусра” террорчилик гуруҳи томонидан Сурия ҳукумат қўшинлари позицияларига бир маротаба ҳужум қилиш ҳолати кузатилган. Ушбу гуруҳ Россияда расман тақиқланган.
Антитеррористик ҳужумда ҳалок бўлган террорчилар ва уларнинг раҳбарлари сони ва шахси маълум қилинмаган.
Изоҳ (0)