АҚШнинг Висконсин штатида бедарак йўқолиши уюштирилган деб ҳисобланган ота ўзбекистонлик аёл билан алоқада бўлгани ва ғойиб бўлишдан олдин ҳаётини суғурта қилгани аниқланди. Бу ҳақда People хабар берди.
Полиция маълумотларига кўра, оиласи ва ҳуқуқ-тартибот органлари Рян Боргвардтни август ойидан бери кўрмаган. Ўшанда Грин Лаке округида унинг автомобили ва трейлери топилган. Ҳудудда ўтказилган қидирув давомида ағдарилган қайиқ аниқлаган. Қидирувдагилар кўлда Боргвардтнинг балиқ овлаш қармоғи ва қутисини топган, қути ичида йўқолган эркакнинг гувоҳномаси ҳам бўлган.
Уйланган ва уч фарзанди бўлган Боргвардтни 54 кун давомида қидиришган, жараёнда қидирув итлари ва ғаввослар гуруҳи иштирок этган. Аммо октябрь ойида қидирув бошқа йўналишда давом этган. Полиция Боргвардтни йўқолган деб эълон қилгач, Канада ҳуқуқ-тартибот органлари унинг исмини қидиргани аниқланган.
Биз буни кутмаган эдик, дейди шериф Подолл.
Боргвардтнинг ноутбуки текширилганида ундаги қаттиқ диск алмашгани ва эркак ғойиб бўлган куни интернет-браузер тарихи ўчирилгани маълум бўлган. Кейинроқ маъмурлар Боргвардт паспортини суратга олгани, пул маблағларини хорижий банк ҳисобига ўтказгани, электрон почтасини ўзгартириб, Ўзбекистондаги аёл билан мулоқот қилганини аниқлаган.
Ғойиб бўлишидан бир неча ой олдин Боргвардт 375 минг долларлик ҳаёт суғуртасини амалга оширган.
Янги далилларнинг пайдо бўлиши туфайли Райан бизнинг кўлда эмаслигига амин бўлдик, дейди Подолл
Ҳуқуқ-тартибот органлари ҳозирда йўқолган ота “Европанинг бирор жойида” эканига ишонмоқда. Подолл кўлдаги қидирувларга ёрдам берганларнинг барчасига миннатдорлик билдирган.
Улар оталарини чўкиб кетган деб ўйлашган экан. Бир кун олдин эса унинг тириклигини билиб олишди, деди Подолл Боргвардтнинг фарзандлари ҳақида.
Шериф эркакнинг рафиқасига ҳам миннатдорлик билдириб, уни “жуда кучли аёл” деб атади ва бедарак йўқолган Боргвардтга мурожаат қилди.
Рян, агар бу хабарни кўраётган бўлсанг, илтимос, биз ёки оиланг билан боғланинг. Турли вазиятлар юз бериши мумкинлигини тушунамиз, аммо оилангиз оталари қайтишини истаяпти, деди у.
Изоҳ (0)