Россияда жазо ўтаётган маҳбуслар “Вагнер” сафига қўшилишга мажбурланаётгани, акс ҳолда уларга янги жиноий иш очиш билан таҳдид қилинаётгани айтилмоқда. Бу ҳақда “Агенство” хабар берди.
Маълум қилинишича, маҳбуслар Самара ва Ростов вилоятлари, Краснодар ўлкаси ва Шимолий Кавказ вилоятларидаги колонияларида босимга учраган.
“Ички ишлар вазирлиги ёки федерал хавфсизлик хизмати ходимлари колонияларга келиб, даъво муддати ўтиб кетган бўлса-да, 10-20 йиллик эски ишларни кўриб чиқишга ваъда бериб, урушга боришдан бош тортганларга нисбатан иш қўзғатиш билан қўрқитмоқда”, — деди ҳуқуқ ҳимоячиси Яна Гелмел.
Ҳуқуқ ҳимоячиси Оксана Асауленко ҳам Перм ўлкасидаги колониялардаги шунга ўхшаш босим усуллари кузатилгани ҳақида хабар берди. Мисол тариқасида у озод этилишига беш ой қолган маҳбуснинг ишини келтириб ўтган. Эркакнинг онаси сўнгги суҳбатда ўғли “Вагнер” билан шартнома имзолашга мажбур бўлганини билдирган.
Тергов ҳибсхоналаридагиларга жиноят ишларини ёпишга ваъда бериб, “Вагнер”га қўшилиш таклиф қилинаётгани таъкидланди.
“Вагнер” қандай гуруҳ?
Кўплаб Ғарб ОАВлари Вагнер гуруҳи тўғридан тўғри Владимир Путинга бўйсунишини ёзади. Унинг ёлланма жангчилари болаларни ўлдириш, аёлларни зўрлаш ва қийноққа солиш, шунингдек, шафқатсиз қотилликларда айбланиб келади.
“Konkord” компанияси эгаси бўлган Евгений Пригожин 2016 йилдан буён АҚШ, 2020 йилдан буён эса Евроиттифоқ санкциялари остидадир. Вашингтонда у Интернет тадқиқотлари агентлиги (троллар фабрикаси) ва “Вагнер”ни назорат қилишда айбланган.
У “Вагнер”га алоқадорлигини кўп марта рад этган ва бундай айбловлар сабабли судлашган, аммо 2022 йил сентябрида у “Вагнер” асосчиси эканини маълум қилди. Ташкилотни 2014 йилда, унинг сўзларига кўра, “Донбассда рус халқига нисбатан геноцид” бошланган вақтда тузган.
Мавзуга доир:
- “Вагнер” қурбони: Россиядан Украинадаги урушга ёлланган танзаниялик маҳбус ҳалок бўлди
- “Ангарлик маняк”: Россияда 80 дан ортиқ аёлни ўлдирган маҳбус Украинадаги урушга бормоқчи
- Россиядаги ўзбекистонлик маҳбуслар Украинадаги урушга ёлланаётгани ҳақида маълумот берилди
- “Вагнер” ташаббуси: Россияда аёл маҳбусларни урушга ёллаш бошланди
Изоҳ (0)