Франциянинг нуфузли France Football журнали 21 ёшга тўлмаган энг яхши ёш футболчига топшириладиган 2025 йилги “Kopa Trophy” соврини учун номзодлар рўйхатини эълон қилди.
Жорий йилда мукофот учун 10 нафар ёш футболчи кураш олиб боради. Рўйхатдан “Барселона”, “ПСЖ”, “Ювентус”, “Реал Мадрид”, “Челси”, “Лилль”, “Арсенал” ва “Порту” жамоларининг 21 ёшгача бўлган футболчилари жой олган.
Тўлиқ рўйхат билан танишинг:
- Пау Кубарси (“Барселона”, Испания)
- Аюб Буадди (“Лилль”, Франция)
- Дезир Дуэ (“Пари Сен-Жермен”, Франция)
- Эстевао (“Челси”, Бразилия)
- Дин Хейсен (“Реал Мадрид”, Испания)
- Майлз Льюис-Скелли (“Арсенал”, Англия)
- Родриго Мора (“Порту”, Португалия)
- Жоау Невеш (“Пари Сен-Жермен”, Португалия)
- Ламин Ямал (“Барселона”, Испания)
- Кенан Йилдиз (“Ювентус”, Туркия)
Эслатиб ўтамиз, ўтган йили “Барселона” ҳужумчиси Ламин Ямал ушбу совринни қўлга киритганди. У бу йил ҳам номзодлар сафидан жой олди ва мукофот учун асосий даъвогарлардан бири бўлиб турибди.
“Копа” соврини учун ғолибни аниқлаш жараёнида аввалги йилларда “Олтин тўп”ни қўлга киритган футболчилар овоз беради. Ҳар бир ҳакам France Football таҳририяти томонидан тузилган рўйхатдан уч нафар футболчини танлаши керак бўлади.
2025 йилги “Олтин тўп” ва унга доир бошқа мукофотлар тантанали равишда 22-сентябрь куни Парижда топширилади.
Изоҳ (0)