Наманган вилояти Поп туманида 27 май куни Isuzu юк машинасининг тормози ишламагани натижасида 5 автомашина ўртасида ЙТҲ содир бўлди. Бу ҳақда Фавқулодда вазиятлар вазирлиги ахборот хизмати хабар берди.
Хабарга кўра, соат 15:25 да А-373 автомобиль йўлининг “Қамчиқ” довони 250-километрида “Тошкент—Водий” йўналишида ҳаракатланиб кетаётган Isuzu юк автомашинасининг тормоз қисми ишламай қолиши натижасида ҳайдовчи бошқарувни йўқотган ва шу йўналишда турган Кia, Damas ва 2 та Cobalt автомашиналарига урилиб, овқатланиш маскани ҳудудидаги фавворага бориб тушган.
Дастлабки маълумотларга кўра, йўл-транспорт ҳодисаси оқибатида бир нафар фуқаро вафот этган ва уч нафар фуқаро тан жароҳати билан Поп тумани шифохонасига юборилган.
Зудлик билан воқеа жойига ФВВ қутқарувчилари ва тегишли ташкилот вакиллари етиб борган. Ҳозирда вазият оқибатлари бартараф этилмоқда.
Мазкур ҳолат юзасидан дастлабки терговолди суриштирув ишлари олиб борилмоқда.
Изоҳ (0)